Same 59:1-17
Vei koya na dairekita, vakarautaki ina “Kua ni Vakarusa.” Na same i Tevita. Mikitami.* Ni tala eso na tagane o Saula mera yadrava na vale i Tevita, mera vakamatei koya.+
59 Ni vakabulai au vei ira na kequ meca, kemuni na noqu Kalou,+Ni taqomaki au vei ira na saqati au tiko.+
2 Ni vakabulai au vei ira na daucaka ca,Ni vakabulai au tale ga vei ira na tamata itovo kaukaua.*
3 Raica! Era wawa nira vuni tu mera namaki au,+Era ravuti au na tagane kaukauaE sega ni vakavuna na noqu vakaduduile se valavala ca,+ i Jiova.
4 Au sega ni cakacala, ia era cici ra qai vakarau vala.
Ni tucake niu kaci yani moni qai raica.
5 Ni o kemuni, i Jiova na Kalou ni lewe vuqa,* oni Kalou ni Isireli.+
Ni yadra moni dikevi ira mada na veimatanitu kece.
Ni kua ni bau lomana e dua na dauveidabui yaloca.+ (Sela)
6 Era lesu mai ena veiyakavi,+Era kodro vaka na koli,+ ra qai yasa voli ena koro.+
7 Raica na ka e tasova mai gusudra,Na tebenigusudra e vaka na iseleiwau,+Nira kaya: “O cei e vakarorogo tiko?”+
8 Ia o kemuni Jiova, oni na dredrevaki ira,+Oni na vosabeci ira kece na veimatanitu.+
9 Kemuni na noqu Kaukaua, au na rai tu ga vei kemuni,+Ni noqu ivakaruru tudei*+ na Kalou.
10 E dau vakaraitaka vei au na Kalou na dei ni nona loloma, ena mai vukei au,+Ena vakavuna na Kalou meu rai ena qaqa vei ira na kequ meca.+
11 Kua ni vakamatei ira, mera kua kina ni guilecava na noqu tamata.
Ena nomuni kaukaua ni vakavuna mera veilakoyaki voli,Ni vakavuna mera bale, i Jiova na neimami isasabai.+
12 Ena vuku ni valavala ca ni gusudra, na vosa ni tebenigusudra,Mera coko ga ena nodra dokadoka,+Ena vuku ni nodra vosavakacaca kei na nodra vosa lasu.
13 Vakarusai ira ena nomuni cudru,+Vakarusai ira mera qeavu vakadua,Mera kila kina ni veiliutaki tiko na Kalou vei Jekope, qai yacova na iyalayala kei vuravura.+ (Sela)
14 Laiva mera lesu mai ena yakavi,Laiva mera kodro vaka na koli qai yasa voli ena koro.+
15 Laiva mera veilakoyaki voli nira vaqara kakana,+Mera kua ni mamau se kunea e dua na icili.
16 Ia o yau, au na seretaka na nomuni kaukaua,+Ena mataka au na tukuna ena marau na dei ni nomuni loloma.
Ni o kemuni na noqu ivakaruru tudei+Kei na vanua meu dro kina ena noqu gauna ni leqa.+
17 Kemuni na noqu Kaukaua, au na sere ena vakacaucau vei kemuni,+Ni Kalou e noqu ivakaruru tudei, na Kalou e dau vakaraitaka vei au na loloma e dei.+
iVakamacala e ra
^ Raica na iVakamacala ni Vosa.
^ Se “na dauvakadavedra.”
^ Qo na mataivalu vakalomalagi.
^ Se “noqu vanua cecere tudei.”
