Same 116:1-19
116 Au lomani JiovaNi rogoca* o koya na domoqu, na noqu vakamamasu ni kere veivuke.+
2 E vakala vei au na daligana,*+Au na qai kaci vua ena gauna kece ni noqu bula.*
3 Sa wavokiti au na dali ni mate,Na iBulubulu sa qumi au tu.*+
Sa bikai au na leqa kei na rarawa.+
4 Ia au a kaciva na yaca i Jiova:+
“Kemuni Jiova, ni vakabulai au!”
5 O Jiova e dauveinanumi* qai yalododonu,+Na noda Kalou e yalololoma.+
6 O Jiova e yadravi ira na yalowai.+
Au a vakalolovirataki, qai vakabulai au o koya.
7 Me vakacegu tale mada vakadua na noqu bula,Ni dau yalovinaka o Jiova ena ka e cakava vei au.
8 Oni vakabulai au mai na mate,Na mataqu mai na wainimata, na yavaqu mai na veivakatarabetaki.+
9 Au na lako ena mata i Jiova ena nodra vanua na bula.
10 E tiko vei au na vakabauta, niu a vosa,+Au a vakararawataki vakalevu.
11 Ia o yau, au taqaya qai kaya:
“Na tamata kece e daulasulasu.”+
12 Na cava au na dolea vei JiovaEna vuku ni veika vinaka kece sa cakava vei au?
13 Au na taura na bilo ni veivakabulai,*Au na qai kaciva na yaca i Jiova.
14 Au na vakayacora na noqu bubului vei JiovaNira tiko kece na nona tamata.+
15 E ka talei ena mata i JiovaNa nodra mate na nona yalodina.+
16 Kemuni Jiova, au vakamasuti kemuni,Niu nomuni dauveiqaravi.
O yau na nomuni dauveiqaravi, na luve ni nomuni yalewa bobula.
Oni sa sereki au mai na kequ ivesu.+
17 Au na cabora vei kemuni na isoro ni vakavinavinaka,+Au na kaciva na yaca i Jiova.
18 Au na vakayacora na noqu bubului vei Jiova+Nira tiko kece na nona tamata,+
19 Ena lomanibai ni vale i Jiova,+Ena loma ni koro o Jerusalemi.
Vakacaucautaki Ja!*+
iVakamacala e ra
^ Se rawa ni, “Au loloma, ni dau vakarorogo o Jiova.”
^ Se “Ni cuva me vakarorogo.”
^ Ipe., “ena noqu veisiga.”
^ Ipe., “Na rarawa kei Seoli e kunei au.”
^ Se “yalovinaka.”
^ Se “veivakabulai levu.”
^ Se “Aleluya!” Na “Ja” na ivakaleka ni yaca Jiova.
