Same 115:1-18
115 Me kua vei keimami, i Jiova, me kua vei keimami,*Na yacamuni ga me vakalagilagi+Ena vuku ni dei ni nomuni loloma kei na nomuni yalodina.+
2 Na cava mera kaya kina na veimatanitu:
“I vei na nodra Kalou?”+
3 E tu mai lomalagi na neimami Kalou,E cakava na ka ga e vinakata.
4 Na nodra matakau na siliva kei na koula,Na cakacaka ni liga ni tamata.+
5 E tu na gusudra, ia era sega ni vosa rawa,+Na mata, ia era sega ni rai rawa,
6 E tu na daligadra, ia era sega ni rogo rawa,Na ucu, ia era sega ni boi rawa,
7 E tu na ligadra, ia era sega ni vakila na ka,Na yava, ia era sega ni lako rawa,+E sega ni cakava rawa e dua na rorogo na nodra itilotilo.+
8 Na tamata e buli ira ena vakataki ira ga,+Kei ira kece na vakararavi vei ira.+
9 Kemuni na Isireli, ni nuitaki Jiova+—E dau vukei ira qai nodra isasabai o koya.+
10 Kemuni na mataqali i Eroni,+ ni nuitaki Jiova—E dau vukei ira qai nodra isasabai o koya.
11 Kemuni na rerevaki Jiova, ni nuitaki Jiova+—E dau vukei ira qai nodra isasabai o koya.+
12 E dau nanumi keimami o Jiova, ena veivakalougatataki tale ga,Ena vakalougatataka o koya na mataqali i Isireli,+Ena vakalougatataka na mataqali i Eroni.
13 Ena vakalougatataki ira na rerevaki Jiova,O ira na vetaira kei ira na vetaicake.
14 O Jiova ena vakatuburi kemuni,O kemuni kei na luvemuni.*+
15 Me vakalougatataki kemuni o Jiova,+Na Dauveibuli ni lomalagi kei vuravura.+
16 E nei Jiova na lomalagi,+Ia sa solia na vuravura vei ira na luve ni tamata.+
17 Era sega ni vakacaucautaki Ja na mate,+Se o ira kece na lako sobu ena vakadirorogo ina mate.*+
18 Ia keimami na vakacaucautaki JaMai na gauna qo me tawamudu.
Vakacaucautaki Ja!*
iVakamacala e ra
^ Se “Sega ni dua na ka e neimami, i Jiova, sega ni dua na ka e neimami.”
^ Ipe., “luvemuni tagane.”
^ Ipe., “ena vagagalu.”
^ Se “Aleluya!” Na “Ja” na ivakaleka ni yaca Jiova.
