Same 73:1-28
Na sere i Esafa.+
73 Sa vinaka dina na Kalou vei Isireli, vei ira e savasava na lomadra.+
2 Ia o yau, sa voleka ni lako sese na yavaqu,Sa voleka ni tidara na noqu ilakolako.+
3 Niu vuvutaki ira na dokadoka,*Niu dau raica nodra tikovinaka na daucaka ca.+
4 Nira sega ni vakila na mosi nira mate,E bulabula vinaka tu ga na yagodra.*+
5 Era sega ni vakaleqai vakataki ira na tamata tale eso,+Se rarawa me vakataki ira tale eso.+
6 E nodra itaube gona na dokadoka,+Era tokara na itovo kaukaua me vaka na isulu.
7 Na nodra rawaka* e vakavuna me widri na matadra,Era sivita tale na vakanananu ni lomadra.
8 Era veivakalialiai qai tukuna na veika ca.+
Era tukuna vakaviavialevu nira na veivakasaurarataki.+
9 Nira vosa era vaka na cere ni lomalagi,Qai viavialevu voli na yamedra e vuravura.
10 O ira gona na nona tamata era sa golevi ira,Ra qai gunu mai na medra wai sa vuabale tu.
11 Era kaya: “E kila vakacava na Kalou?+
E tiko dina na kila vei koya e Cecere Duadua?”
12 Io, qo o ira na daucaka ca, e dau rawarawa tu ga vei ira na ka.+
Era vakalevutaka tiko na nodra iyau.+
13 E sega ni yaga dina na noqu vakasavasavataka na lomaquQai savata na ligaqu e sega ni cala.+
14 Au lomaleqa voli ena siga taucoko,+Au vakavulici e veimataka.+
15 Ia keu a tukuna na veika qori,Au na liumuritaki ira na nomuni tamata.*
16 Niu saga meu kila,Au lomaleqa sara ga
17 Me yacova niu curu ina itikotiko tabu lagilagi ni Kalou,Au qai kila na nodra veisiga se bera mai.
18 E macala ga ni oni sa biuti ira ena qele sisisi.+
Oni vakavuna mera bale mera rusa sara.+
19 E vakasauri nodra vaqeavutaki!+
E yaco vakasauri na kedra itinitini ni vakadomobula nodra takali yani!
20 E vaka ga na tadra ni sa yadra cake tale mai e dua, i Jiova,Ni oni sa yavala, oni na vakasava laivi* na kedra iyaloyalo.
21 Ia sa gaga na lomaqu,+Au vakila tale ga na mosi kaukaua mai loma,*
22 Au a lecaika qai sega ni yalomatua,Au vaka na manumanu lialia e matamuni.
23 Ia qo au sa dau tiko vata kei kemuni,Oni sa taura tu na ligaqu imatau.+
24 Oni tuberi au ena nomuni ivakasala,+Oti oni na liutaki au meu lagilagi.+
25 O cei e noqu mai lomalagi?
Au sega tale ga ni vinakata e dua na ka e vuravura, o kemuni duadua ga.+
26 E rawa ni malumalumu mai na yagoqu kei na lomaqu,Ia na Kalou e uluvatu ni lomaqu qai noqu ivotavota tawamudu.+
27 Era na rusa dina o ira na yawaki kemuni.
Oni na vakawabokotaki* ira na biuti kemuni, ni dukadukali* nodra itovo.+
28 Ia vei au, e vinaka noqu toro voleka vua na Kalou.+
Au sa vakaruru ga vei Jiova na Turaga Cecere Duadua,Meu tukuna na nomuni cakacaka kece.+
iVakamacala e ra
^ Se “sakitaki ira.”
^ Se “E levulevu na ketedra.”
^ Ipe., “uro.”
^ Ipe., “na nodra itabatamata na luvemuni.”
^ Ipe., “na beca.”
^ Ipe., “ena noqu ivi.”
^ Ipe., “vagalui.”
^ Se “tawayalodina.”
