Same 61:1-8
-
Kalou, na valececere kaukaua e taqomaki au vei ira na meca
-
“Au na vulagi ena nomuni valelaca” (4)
-
Vei koya na dairekita, me salavata kei na ivakatagi vakawa. Na same i Tevita.
61 Kemuni na Kalou, ni rogoca noqu tagi ni kere veivuke.
Ni vakatudaliga ina noqu masu.+
2 Au na tagi yani vei kemuni mai na iyalayala kei vuravuraNi sa waicala* na lomaqu.+
Ni tuberi au ina vatu e cecere sara vei au.+
3 Ni oni noqu ivakaruru,Na valececere kaukaua e dau taqomaki au mai na meca.+
4 Au na vulagi ena nomuni valelaca me tawamudu,+Au na vakaruru ena ruku ni tabamuni.+ (Sela)
5 Ni o kemuni ga, na Kalou, oni sa rogoca noqu bubului.
Oni sa solia vei au na ivotavota era taukena na rerevaka na yacamuni.+
6 Oni na vakabalavutaka na bula* ni tui,+Na nona yabaki mai na dua na itabatamata ina dua tale na itabatamata.
7 Ena dabe o koya ena idabedabe vakaturaga* ena mata ni Kalou me tawamudu,+Vakaraitaka* vua na loloma e dei kei na yalodina, me taqomaki koya kina na veika qo.+
8 Au na qai sere ena vakacaucau ina yacamuni me tawamudu+Niu vakayacora na noqu bubului ena veisiga.+
