Same 76:1-12

  • Qaqa na Kalou vei ira na meca kei Saioni

    • Vakabulai ira na yalomalua na Kalou (9)

    • Vakamalumalumutaki nodra dokadoka na meca (12)

Vei koya na dairekita, me salavata na ivakatagi vakawa. Na Same i Esafa.+ Na sere. 76  E kilai na Kalou e Juta,+E rogo na yacana e Isireli.+   Na nona ivakaruru e tiko mai Selemi,+Kei na nona itikotiko mai Saioni.+   E musuka e kea o koya na gasau caudre ni dakaititi,Na isasabai, na iseleiwau, kei na iyaragi ni valu.+ (Sela)   Oni ramase dina,*Oni lagilagi mai na veiulunivanua ni manumanu kila.   O ira na yaloqaqa era sa butakoci,+Era sa moce,Era sa malumalumu kece na tamataivalu.+   Ena nomuni veivunauci, kemuni na Kalou i Jekope,Erau mocelutu kina o koya e vodoka na qiqinivalu kei na ose.+   O kemuni ga oni vakatubuqoroqoro.+ O cei ena vorata rawa na levu ni nomuni cudru?+   Oni vakarogoya mai lomalagi na veilewai,+E rere na vuravura qai vakanomodi+   Ni sa tucake na Kalou me tauca na lewa,Me vakabulai ira kece na yalomalua e vuravura.+ (Sela) 10  Ni oni na vakacaucautaki ena yalokatakata ni tamata,+Ena ivovo ni nodra yalokatakata oni na ukutaki kemuni kina. 11  Ni bubului vei Jiova na nomuni Kalou qai vakayacora sara,+Mera kauta mai nodra iloloma ena veidokai o ira kece na voliti koya tu.+ 12  Ena vakamalumalumutaka o koya na nodra dokadoka* na iliuliu,Ena vakavuna mera rere na tui kei vuravura.

iVakamacala e ra

Se “Oni ologi ena rarama.”
Ipe., “na yalodra.”