Same 53:1-6
Vei koya na dairekita, ena iwalewale i Mahalaca.* Na Masikili.* Na same i Tevita.
53 E kaya e lomana na lialia:*
“E sega o Jiova.”+
Na nodra ivalavala tawadodonu e dukadukali qai vakasevaki,Sega ni dua e caka vinaka.+
2 Ia e rai sobu mai lomalagi na Kalou vei ira na luve ni tamata,+Me raica ke dua e yalomatua, se dua e vakasaqarai Jiova tiko.+
3 Era sa gole tani kece,Era dau veidabui kece.
Sega ni dua e caka vinaka,Sega mada ga ni dua.+
4 Vakacava, e sega ni dua na daucakacala e kila?
Era kanilaka noqu tamata me vaka era kana madrai.
Era sega ni kaci vei Jiova.+
5 Ia ena curumi ira sara ga na domobula,Na domobula era se sega vakadua ni bau vakila e liu,*Ni na ceburaka na Kalou na suidra na valuti iko.*
Oni na vakamadualaki ira, ni sa cati ira o Jiova.
6 Me yaco na bula vei Isireli mai Saioni!+
Ni kumuna lesu mai o Jiova na nona tamata era vesu tu,Me marau o Jekope, me marau vakalevu o Isireli.
iVakamacala e ra
^ Raica na iVakamacala ni Vosa.
^ Raica na iVakamacala ni Vosa.
^ Se “yalowai.”
^ Se rawa ni, “Na rere ni sega na ka me rerevaki.”
^ Ipe., “na keba tiko mera valuti iko.”
