Same 6:1-10
Vei koya na dairekita, me salavata na ivakatagi vakawa ena Seminica.*
Na sere i Tevita.
6 Kemuni Jiova, ni kua ni vunauci au ena nomuni cudru,Ni kua tale ga ni vakadodonutaki au ena levu ni nomuni cudru.+
2 I Jiova, ni yalololoma vei au,* niu sa malumalumu.
I Jiova, ni vakabulai au,+ nira sa yavavala na suiqu.
3 Io, au sa lomaleqa vakalevu,+Au qai tarogi kemuni Jiova—ena vakacava na kena dede?+
4 I Jiova, ni lesu mai qai vueti au,+Ni vakabulai au ena vuku ni nomuni loloma e dei.+
5 Era na sega ni tukuni* kemuni na mate,O cei ena vakacaucautaki kemuni ena iBulubulu?*+
6 Au sa oca mai ena noqu vutugu,+Ena bogi taucoko au vakasuasuataka na noqu idavodavo ena wainimata,*Au vakaluvuca na noqu idabedabe balavu ena tagi.+
7 Sa malumalumu na mataqu ena vuku ni noqu lolosi,+Sa buawa* sara ena vukudra kece na vakasagai au tiko.
8 Ni lako tani vei au, o kemuni kece e ca nomuni ivakarau,Ni na rogoca o Jiova na domo ni noqu tagi.+
9 Ena rogoca o Jiova na noqu masu ni kere veivuke,+Ena ciqoma o Jiova na noqu masu.
10 Era na vakamadualaki qai vakayalolailaitaki na kequ meca kece,Era na lesu tale nira vakamadualaki+ vakasauri.
iVakamacala e ra
^ Raica na iVakamacala ni Vosa.
^ Se “ni lomani.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “ni vakananumi.”
^ Ipe., “au vakavuna me nawa noqu idavodavo.”
^ Se “Sa qase mai.”
