Same 2:1-12
2 Na cava era ue kina na veimatanituQai vosaminiminitaka* na ka wale na lewenivanua?+
2 Era sa tuva tu na tui kei vuravuraRa qai kumuni vata* na vakailesilesi liu+Mera saqati Jiova, ra saqata tale ga na nona lumuti.*+
3 Era kaya: “Meda basuka na nodrau sinucodoQai viritaka laivi na nodrau dali!”
4 Ena dredre o koya e dabe tiko ena idabedabe vakaturaga mai lomalagi,Ena vakalialiai ira o Jiova.
5 Ena gauna oya ena vosa vei ira o koya ena nona cudruQai vakadomobulataki ira ena nona cudru waqawaqa,
6 E kaya: “O yau, au sa bulia na noqu tui+E Saioni,+ na noqu ulunivanua tabu.”
7 Meu tukuna mada na lawa i Jiova,E kaya vei au o koya: “O iko na luvequ,+Nikua au sa wili meu tamamu.+
8 Kerea vei au, au na qai solia na veimatanitu me nomu ivotavotaKei na iyalayala kei vuravura mo taukena.+
9 O na voroki ira ena ititoko vakatui kaukamea,+O na vorolaki ira me vaka na iyaya tuli.”+
10 Ia qo, o kemuni na tui, ni vakaraitaka na yalomatua,Ciqoma na veivakadodonutaki* o kemuni na turaganilewa kei vuravura.
11 Ni qaravi Jiova ena rere,Qai marau vakalevu salavata kei na veidokai.
12 Rokova* na luvena,+ de qai waqa na cudru ni KalouOni qai vakarusai mai na sala,+Ni dau waqa totolo na nona cudru.
Era marau o ira kece era lai vakaruru vua.
iVakamacala e ra
^ Se “Qai vakasamataka vakatitobu na.”
^ Se “qai bose vata.”
^ Se “nona Karisito.”
^ Se “Ni qaqarauni.”
^ Ipe., “Reguca.”
