Same 77:1-20
Vei koya na dairekita, ena Jitucuni.* Nei Esafa.+ Na sere.
77 Au na tagi vua na Kalou ena domoqu,Au na tagi vua na Kalou, ena qai rogoci au o koya.+
2 Au vakasaqarai Jiova ena siga ni noqu rarawa.+
Ena bogi e dodo vua na ligaqu qai sega ni cegu.*
Au sega ni vakacegui rawa.
3 Niu nanuma na Kalou, au vutugu,+Au taqaya qai bikai au na malumalumu.*+ (Sela)
4 Oni dolava tu ga na dakudaku ni mataqu,Au lomaleqa qai sega ni vosa rawa.
5 E gole noqu vakanananu ina veisiga makawa,+Na veiyabaki sa sivi.
6 Ena bogi au nanuma na noqu sere,*+Au vakasamataka vakabibi e lomaqu,+Au vaqaqara vagumatua.
7 Vakacava ena viritaki keda laivi o Jiova me tawamudu?+
Ena sega tale ni lomani keda o koya?+
8 Sa na sega ni tawamudu na dei ni nona loloma?
Sa na ka wale na nona yalayala vei ira na itabatamata kece?
9 Vakacava sa guilecava na Kalou me vakaraitaka nona loloma,+Se sa mudu nona yalololoma ena vuku ni nona cudru? (Sela)
10 Vakacava e dodonu meu tukuna tiko: “Qo na ka e vakaleqai au:*+
O koya e Cecere Duadua sa veisautaka vei keda nona itutu”?*
11 Au na nanuma na cakacaka i Ja,Au na nanuma na veika totoka oni cakava ena gauna makawa sara.
12 Au na vakasamataka vakatitobu na nomuni cakacaka keceAu na vakasamataka tale ga vakabibi na ka oni dau cakava.+
13 Kemuni na Kalou, e savasava na nomuni sala.
Kemuni na Kalou,+ na Kalou cava e cecere me vakataki kemuni?
14 O kemuni na Kalou dina, oni cakava na veika totoka.+
Oni sa vakatakila na nomuni kaukaua ina veimatatamata.+
15 Ena nomuni kaukaua* oni sa vakabulai* ira na nomuni tamata,+O ira na luvei Jekope kei Josefa. (Sela)
16 E sa raici kemuni na wai, kemuni na Kalou,E raici kemuni na wai qai lomaleqa.+
E yavavala tale ga na wai titobu.
17 E sovaraka sobu mai na wai na o.
E kurukuru na lomalagi,Qai veivukayaki na nomuni gasau.+
18 Na rorogo ni nomuni kurukuru+ e vaka na yavaniqiqi,Na tibi ni liva e vakararamataka na vuravura tawani,*+E sautaninini na vuravura qai sakure.+
19 Na nomuni gaunisala e curubasikata na wasawasa,+Na nomuni sala e curubasikata na wai,Ia na weniyavamuni e sega ni kune rawa.
20 Oni liutaki ira na nomuni tamata vaka na qelenisipi,+Ena veimaroroi* i Mosese kei Eroni.+
iVakamacala e ra
^ Raica na iVakamacala ni Vosa.
^ Ipe., “qai nunu mai.”
^ Ipe., “qai malumalumu na yaloqu.”
^ Se “na ivakatagi vakawa.”
^ Ipe., “ligana imatau.”
^ Se “e cokai au.”
^ Ipe., “Ena ligamuni.”
^ Se “voli.”
^ Se “na vanua bulabula.”
^ Ipe., “Ena liga i.”
