Same 74:1-23
Na Masikili* nei Esafa.+
74 Kemuni na Kalou, na cava oni cati keimami kina me tawamudu?+
Na cava e waqa* kina nomuni cudru vei ira na sipi ni nomuni veico?+
2 Ni nanumi ira na tamata* oni volia ena gauna makawa sara,+Na yavusa oni vakabula me nomuni ivotavota.+
Nanuma na Ulu i Saioni, oni dau tiko kina.+
3 Ni vagolea na nomuni ilakolako ina irusarusa tawamudu.+
Sa vakacacana na ka kece ena vanua tabu na meca.+
4 Era qolou na kemuni meca ena nomuni vanua ni soqoni.*+
Era vakaduria e kea na nodra drotini me ivakatakilakila.
5 Era vaka na tamata e wiricaka na matau me taya na veikauloa.
6 Era basuka sobu kece na ka sa ceuti+ ena matau kei na kuruva.
7 Era vakama na nomuni tikina tabu.+
Era beca na valeniveitavaki e toka kina na yacamuni, era viritaka ina qele.
8 O ira kei na nodra kawa era kaya e lomadra:
“Mera vakamai na vanua ni soqoni kece ni Kalou* ena vanua.”
9 E sega ni dua na ivakatakilakila meda raica,E sega ni tu tale e dua na parofita,Qai sega ni dua vei keda e kila se na vakacava na kena dede.
10 Kemuni na Kalou, ena vakacava na dede ni nodra veivakanini na dauveitusaqati?+
Vakacava, ena tawamudu na nona sega ni doka na yacamuni na meca?+
11 Na cava oni tarova kina na ligamuni, na ligamuni imatau?+
Taura tani mai lomaseremuni* qai vakaoti ira.
12 Ia na Kalou e noqu Tui mai na gauna makawa sara,E vakayacora tiko na cakacaka ni veivakabulai e dela i vuravura.+
13 Oni yavalata na wasawasa ena nomuni kaukaua,+Oni vorolaka e loma ni wai na uludra na manumanu lelevu ni wasawasa.
14 Oni vurumemeataka na uludra na Livaiacani,*Oni solia me kedra kakana na tamata, o ira na tawana tiko na vanua dravuisiga.
15 Oni taya na gusu ni tovure kei na uciwai,+Oni vakadiva na uciwai e drodro yauyau.+
16 E nomuni na siga, na bogi tale ga.
Oni bulia na rarama* kei na matanisiga.+
17 Oni vakaduria kece na iyalayala kei vuravura,+Oni bulia na vulaikatakata kei na vulaililiwa.+
18 Kemuni Jiova, ni nanuma na nona veivakanini na meca,Na nodra sega ni doka na yacamuni na tamata lialia.+
19 Ni kua ni solia na bula ni nomuni kukuru vua na manumanu kila.
Ni kua ni guilecava na bula ni nomuni tamata vakaloloma me tawamudu.
20 Ni nanuma na veiyalayalati,Ni sa sinai ena itovo kaukaua na vanua butobuto kei vuravura.
21 Me kua ni gole tani ena rarawa o koya e bibivoro,+Mera vakacaucautaka na yacamuni na vakaloloma kei na dravudravua.+
22 Ni tucake, kemuni na Kalou, ni valataka na nomuni kisi ni veilewai.
Ni nanuma na nodra veivakanini na lialia ena siga taucoko.+
23 Ni kua ni guilecava na ka era tukuna na kemuni meca.
Sa qai toso cake ga na nodra ue na beci kemuni.
iVakamacala e ra
^ Raica na iVakamacala ni Vosa.
^ Ipe., “kubou.”
^ Ipe., “nomuni isoqosoqo.”
^ Se “nomuni itikotiko tabu.”
^ Se “na vanua kece e sokaloutaki kina na Kalou.”
^ Se “mai na ilobi ni nomuni isulu.”
^ Raica na iVakamacala ni Vosa.
^ Se “na vunirarama.”
