Same 36:1-12
Vei koya na dairekita. Na same i Tevita, na dauveiqaravi i Jiova.
36 E vosa na valavala ca e lomana na daucaka ca,E sega ni bau kune e matana na rerevaka na Kalou.+
2 Ni rui sakitaki koya ga e matanaMe kila kina qai cata na nona cala.+
3 Na vosa ni gusuna e mosi qai veivakacalai,E sega vua na yalomatua me cakava na ka e vinaka.
4 E lalawataka mada ga na ka mosimosi ena nona idavodavo.
Sa dei tu ena sala e sega ni vinaka,E sega ni dau cata na ka ca o koya.
5 Kemuni Jiova, sa yaco sara i lomalagi na dei ni nomuni loloma,+Na nomuni daudina sa yaco sara ina o.
6 Na nomuni yalododonu e vaka na ulunivanua lagilagi,*+Na nomuni lewa, e vaka na wai titobu vakaitamera.+
Oni maroroya* na tamata kei na manumanu, i Jiova.+
7 Sa talei dina na dei ni nomuni loloma, kemuni na Kalou!+
Ena iyaloyalo ni tabamuni, era vakaruru kina na luve ni tamata.+
8 Era gunu ra mamau ena iyau levu* ni nomuni vale,+Oni vakavuna tale ga mera gunu mai na uciwai ni nomuni marau.+
9 E tu vei kemuni na ivurevure ni bula,+Ena nomuni rarama keimami raica rawa na rarama.+
10 Ni vakaraitaka tiko ga na dei ni nomuni loloma vei ira na kilai kemuni,+Kei na nomuni yalododonu vei ira e dodonu na lomadra.+
11 Kua ni laiva na yavana na dokadoka me buturaki auSe na ligana na daucaka ca me vakatalai au.
12 Era sa bale e kea na daucaka ca,Era sa vakabalei sobu qai sega ni tucake rawa.+
