Same 97:1-12
97 Sa yaco me Tui o Jiova!+
Me marau vakalevu o vuravura.+
Me marau vakalevu na veiyanuyanu.+
2 Sa wavoliti koya tu na o kei na butobuto vavaku,+Na yalododonu kei na lewadodonu e yavu ni nona itikotiko vakaturaga.+
3 E lako e matana na bukawaqa+Qai kanalaki ira na kena meca ena veiyasana.+
4 E vakararamataka na vanua na nona yaseyase,E raica qori na vuravura qai sautaninini.+
5 Na veiulunivanua sa waicala vaka na drega* e mata i Jiova,+Ena mata ni Turaga ni vuravura taucoko.
6 Na lomalagi e tukuna na nona yalododonu,Ra qai raica na veimatatamata na kena lagilagi.+
7 Mera vakamadualaki kece o ira na qarava tiko na matakau ceuti,+O ira na sakitaka tiko nodra kalou tawayaga.+
Cuva* vua, o kemuni kece na kalou.+
8 E rogoca o Saioni qai marau vakalevu,+Era marau vakalevu na tauni* kei JutaEna vuku ni nomuni lewa, i Jiova.+
9 Ni o kemuni Jiova, oni Cecere Duadua e vuravura taucoko,Oni vakacerecerei me uasiviti ira kece na vo ni kalou.+
10 O kemuni na lomani Jiova, ni cata na ka ca.+
E taqomaka o koya na nodra bula na yalodina vua,+E vakabulai ira mai na ligana* na daucaka ca.+
11 Sa serau na rarama vei ira na yalododonu+Kei na marau levu vei ira e dodonu na lomadra.
12 Ni marautaki Jiova vakalevu o kemuni na yalododonu,Qai vakavinavinaka ina yacana* tabu.
