Same 98:1-9
-
Jiova na iVakabula kei na Turaganilewa dodonu
-
Vakatakilai na veivakabulai i Jiova (2, 3)
-
Na sere.
98 Ni lagata vei Jiova na sere vou,+Ni veivakurabuitaki na veika sa cakava,+Na ligana imatau, na ligana savasava, sa rawati kina na veivakabulai.*+
2 O Jiova sa vakatakila na nona veivakabulai,+Sa vakatakila na nona yalododonu ena matadra na veimatanitu.+
3 E nanuma o koya na dei ni nona loloma kei na nona yalodina ina yavusa i Isireli.+
Na iyalayala kece kei vuravura sa raica na veivakabulai ni noda Kalou.*+
4 Kaila vei Jiova ena qaqa, na vuravura taucoko.
Ni yalomarau, ni kaila ena marau qai sere ena vakacaucau.*+
5 Ni sere ena vakacaucau* vei Jiova ena api,Na sere rogo vinaka kei na api.
6 Ena biukila kei na rorogo ni davui,+Kaila ena qaqa ena mata ni Tui, o Jiova.
7 Me vadugu na wasawasa kei na ka kece e tu kina,Na vuravura* kei ira era vakaitikotiko kina.
8 Mera vakasausau na uciwai,Mera kailavata ena marau na veiulunivanua+
9 Ena mata i Jiova, ni lako mai o koya me lewa na vuravura.
Ena lewa na vuravura* ena yalododonu+Kei na veimatatamata ena lewadodonu.+
iVakamacala e ra
^ Se “sa qaqa kina.”
^ Se “na qaqa ni noda Kalou.”
^ Se “ena vakatagi.”
^ Se “Ni vakatagi.”
^ Se “vanua bulabula.”
^ Se “vanua bulabula.”
