Same 49:1-20
Vei koya na dairekita. Nodra same na luvei Kora.+ Na sere.
49 Ni rogoca qo, o kemuni kece na veimatatamata.
Ni vakatudaliga, o kemuni na lewe i vuravura,
2 Na vetaira kei na vetaicake,*Na vutuniyau kei na dravudravua.
3 Ena vosataka na vuku na gusuqu,Qai vakaraitaka na yalomatua na vakanananu ni lomaqu.+
4 Au na vakatudaliga ina vosa vakaibalebale,Au na vakamacalataka na noqu vatavatairalago ena api.
5 Cava meu rere kina ena gauna ni leqa,+Ni tu wavokiti au na nodra ca* na via vakabalei au?
6 O ira na vakanuinui tiko ena nodra iyau+Kei ira na sakitaka na nodra iyau levu,+
7 E sega ni bau dua vei ira e rawa ni volia lesu na tacinaSe solia vua na Kalou na kena ivoli,+
8 (Sa rui talei na ivoli* ni nodra bulaOya na vuna era na sega tu ga kina ni rawata),
9 Me bula tiko o koya me tawamudu qai sega ni raica na qara.*+
10 E raica o koya nira mate mada ga na tamata vuku,Na lialia kei na lecaika erau mate vata,+Ra qai biuta na nodra iyau vei ira eso tale.+
11 Era diva lo me tawamudu na nodra vale,Na nodra valelaca mai na dua na itabatamata ina dua tale na itabatamata.
Era vakatoka na nodra tikiniqele ena yacadra.
12 Ia na tamata, veitalia sara ke rokovi, ena sega ni tu ga,+E sega ni vinaka cake o koya vei ira na manumanu sa mate.+
13 Qo na nodra sala na lialia+Kei ira na muri ira, era marautaka nodra vosa wale. (Sela)
14 Era lesi vaka na sipi ina iBulubulu,*O mate ena vakatawai ira,Na yalododonu ena liutaki ira+ ena mataka.
Na mawedra kece ena seavu yani,+Na iBulubulu*+ ena nodra vale, sega ni valenitui.+
15 Ia na Kalou ena vakabulai au mai na kaukaua* ni iBulubulu,*+Ni na tauri au o koya. (Sela)
16 Kua ni rere ni sa vutuniyau mai e dua na tamata,Ni sa toso cake na totoka ni nona vale,
17 Ni mate ena sega ni kauta e dua na ka,+Na kena totoka ena sega ni lako sobu kei koya.+
18 Ni nona bula taucoko e vakavinavinakataki koya tiko ga.+
(Era vakacaucautaki iko na tamata ni o rawaka.)+
19 Ia e muri, ena tomani ira na itabatamata i nona qase.
Era na sega vakadua ni raica tale na rarama.
20 Na tamata e sega ni kila qo, veitalia sara ke rokovi,+E sega ni vinaka cake vei ira na manumanu sa mate.
iVakamacala e ra
^ Ipe., “o ira na luve ni kawatamata kei ira na luve ni tamata.”
^ Ipe., “cala.”
^ Ipe., “veisereki.”
^ Se “ibulubulu.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Ipe., “liga.”
^ Se “Seoli,” oya na ibulubulu ni kawatamata. Raica na iVakamacala ni Vosa.
