Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 TARO 6

Na Cava e Parofisaitaka na iVolatabu l Baleta na Mesaia?

PAROFISAI

“O iko Peceliema Efiraca, . . . ena lako mai vei iko na iliuliu ena matataki au e Isireli”

Maika 5:2

VAKAYACORI

“Ni sucu oti o Jisu mai Peceliema e Jutia ena gauna i Eroti na tui, eratou qai yaco yani i Jerusalemi na dauraikalokalo mai na Tokalau.””

Maciu 2:1

PAROFISAI

“Era wasea na noqu isulu ena kedra maliwa, era qai vakawirimadigitaka na noqu isulu.”

Same 22:18

VAKAYACORI

“Ni ratou vakoti Jisu oti ena kau na sotia, eratou kauta nona isulu e sau eratou qai wasea vakava . . . Ia e sega ni sema na isulu e loma me vaka ni tali taucoko sara ga me tekivu mai cake me yaco sara i ra. Eratou mani veikayaka: ‘Me datou kua ni dresuka, me datou vakawirimadigitaka ga me macala kina se o cei me nona.’”

Joni 19:23, 24

 PAROFISAI

“E yadrava tiko na nona sui kece, e sega ni dua e musuki.”

Same 34:20

VAKAYACORI

“Nira lako yani vei Jisu, era raica ni sa mate tu, era mani sega ni musuka na yavana.”

Joni 19:33

PAROFISAI

“E lausua o koya ena vuku ni noda ivalavala ca.”

Aisea 53:5

VAKAYACORI

“E dua vei ira na sotia e qai suaka na sarisarina ena moto, mani drodro mai kina na dra kei na wai.”

Joni 19:34

PAROFISAI

“Era mani solia na kequ isau, e 30 na tikinisiliva.”

Sakaraia 11:​12, 13

VAKAYACORI

“E lako vei ira na iliuliu ni bete o Jutasa Isikarioti, e dua vei ratou na Tinikarua na tisaipeli qai kaya vei ira: ‘Na cava oni na solia vei au keu soli koya vei kemuni?’ Era vakadonuya mera solia vua e 30 na tikinisiliva.”

Maciu 26:14, 15; 27:5