Same 47:1-9
Vei koya na dairekita. Nodra same na luvei Kora.+ Na sere.
47 Kemuni na veimatatamata, ni vakasausau.
Kaila ena qaqa vua na Kalou, kaila ena marau levu.
2 Ni o Jiova e Cecere Duadua, e vakatubuqoroqoro,+E Tui cecere o koya e vuravura taucoko.+
3 E vakamalumalumutaka o koya na veimatatamata e rukuda,E biuta na veimatanitu ena ruku ni yavada.+
4 E digia vei keda o koya na noda ivotavota,+Na isakisaki i Jekope, o koya e daulomana.+ (Sela)
5 E lako cake na Kalou ena kaila ni marau,O Jiova kei na rorogo ni davui.*
6 Ni sere ena vakacaucau* vua na Kalou, ni sere ena vakacaucau.
Ni sere ena vakacaucau vua na noda Tui, ni sere ena vakacaucau.
7 Ni Kalou e Tui ni vuravura taucoko,+Ni sere ena vakacaucau qai vakaraitaka na yalomatua.
8 Sa yaco me Tui vei ira na veimatanitu na Kalou.+
E dabe tiko na Kalou ena nona idabedabe tabu vakaturaga.
9 Era sa soqoni mai na iliuliu ni veimatatamataKei ira na tamata ni Kalou i Eparama.
Ni nona na Kalou na turaga* kece kei vuravura.
O koya e vakacerecerei vakalevu.+
