Same 80:1-19
Vei koya na dairekita, vakarautaki ina “Veilili.” Na veivakadreti. Nei Esafa.+ Na sere.
80 Ni vakarorogo, na iVakatawa e Isireli,Oni tuberi Josefa tiko vaka e dua na qelenisipi.+
Oni dabe ena idabedabe vakatui e deladra* na jerupi,+Oni serau mai.*
2 Ena mata i Ifireimi, Penijamini, kei Manasa,Ni yavalata na nomuni kaukaua,+Lako mai moni vakabulai keimami.+
3 Kemuni na Kalou, ni vakasukai keimami,+Me cilavi keimami na matamuni, me keimami rawa ni vakabulai.+
4 Kemuni Jiova na Kalou ni lewe vuqa,* ena vakacava na dede ni nomuni sega ni vakadonuya* na nodra masu na nomuni tamata?+
5 Oni vakani ira ena wainimata me kedra madrai,Qai vagunuvi ira ena wainimata e sega ni vakarautaki rawa.
6 Oni vakalaiva mera veiletitaki keimami na tiko volekati keimami,Era vakalialiai keimami tiko ga na keimami meca.+
7 Kemuni na Kalou ni lewe vuqa, ni vakasukai keimami,Me cilavi keimami na matamuni, me keimami vakabulai kina.+
8 Oni vakavuna me biubiu mai Ijipita e dua na vunivaini.+
Oni vakatala tani na veimatanitu qai tea na vunivaini.+
9 Oni vagalalataka e dua na kena vanua,E ti sobu na wakana qai teteva na vanua.+
10 E vakarurugi tu ena kena iyaloyalo na veiulunivanua,Kei na sitari ni Kalou ena tabana.
11 Na tabana e yaco sara i wasawasa,Kei na tabana tubu vou ina Uciwai.*+
12 Na cava oni basuraka sobu kina na baivatu ni loganivaini,+Mera betia kina na vuana o ira na tasivi tiko?+
13 Sa vakacacana na vuaka ni veikau,Ra qai kania na manumanu kila ni vanua.+
14 Kemuni na Kalou ni lewe vuqa, yalovinaka ni lesu mai.
Ni rai sobu mai lomalagi qai raica!
Ni qarauna na vunivaini qo,+
15 Na tolona* sa tea+ na ligamuni imatau,Qai raica na gone oni* vakaukauataka ena vukumuni.+
16 E vakamai ena bukawaqa,+ e lauta sobu.
Era sa takali ena nomuni veivunauci.*
17 Na ligamuni me tokona na tamata e tu ena ligamuni imatau,Na luve ni tamata oni sa vakaukauataka ena vukumuni.+
18 Keimami na qai sega ni gole tani vei kemuni.
Ni vakabulai keimami tiko, me keimami kaciva na yacamuni.
19 Kemuni Jiova na Kalou ni lewe vuqa,* ni vakasukai keimami,Me cilavi keimami na matamuni, me keimami vakabulai kina.+
