Same 81:1-16
Vei koya na dairekita ni Kitica.* Nei Esafa.+
81 Ni kaila ena marau vua na Kalou na noda kaukaua.+
Kaila ni qaqa vua na Kalou i Jekope.
2 Qiria na ivakatagi qai taura na tibereli,Na api rogo vinaka kei na ivakatagi vakawa.
3 Uvuca na davui* ena vula vou,+Ni taucoko tu na vula, ena siga ni noda soqo.+
4 Ni lawa qo vei ira na Isireli,Na lewa ni Kalou i Jekope.+
5 Sa tauyavutaka me ivakaro vei Josefa+Ena gauna e lakova kina na vanua o Ijipita.+
Au rogoca e dua na domo* au sega ni kila.
6 “Au laveta na icolacola bibi mai tabana,+Mani galala na ligana mai na basikete.
7 O kaci ni o leqa, au qai vakabulai iko,+Au rogoci iko mai na vakuru ni o.*+
Au vakatovolei iko ena wai mai Meripa.*+ (Sela)
8 Ni rogoca, na noqu tamata, au na soli vakadinadina me baleti iko.
I Isireli, ke o vakarorogo mada ga vei au.+
9 Ena sega na kalou tani ena kemuni maliwa,O na sega tale ga ni cuva vua na kalou tani.+
10 O yau o Jiova, au nomu Kalou,O koya e kauti iko tani mai na vanua o Ijipita.+
Dolava vakalevu na gusumu, au na qai vakasinaita.+
11 Ia na noqu tamata era sega ni rogoca na domoqu,O Isireli e sega ni via vakamalumalumu vei au.+
12 Au mani laivi ira mera muria na kaukaua ni lomadra,Era cakava na ka ga era nanuma ni donu.*+
13 Ke ra vakarorogo wale ga vei au na noqu tamata,+Ke ra muria wale ga na noqu sala na Isireli!+
14 Au na vakamalumalumutaki ira totolo na kedra meca,Au na vagolea na ligaqu vei ira na kedra meca.+
15 O ira na cati Jiova era na vakamalumalumu e matana,Ena tawamudu tale ga na ka e yacovi ira.*
16 Ia ena vakani iko* o koya ena witi vinaka duadua*+Qai vakamamautaki iko ena oni mai na vatu.”+
