Same 52:1-9
Vei koya na dairekita. Masikili.* Na same i Tevita, ni lai tukuna vei Saula o Toeki na kai Itomi ni a gole yani o Tevita ina vale i Eimeleki.+
52 Na cava o sakitaka kina na nomu caka ca, o iko na qaqa?+
Na dei ni loloma ni Kalou ena tu ga ena siga taucoko.+
2 yamemu e gata vaka na itoro,+E bukana na ca qai dau cakacaka vakailawaki.+
3 O taleitaka vakalevu na ca mai na ka vinaka,Na lasu mai na tukuni ni ka dodonu. (Sela)
4 O taleitaka na vosa kece e veivakamavoataki,O iko na yame daulawaki!
5 Qori na vuna ena dreti iko sobu kina vakadua na Kalou,+Ena yatovi iko cake qai dresuki iko laivi mai na nomu valelaca,+Ena cavuraki iko mai na nodra vanua na bula.+ (Sela)
6 Era na raica qori na yalododonu, ra qai qoroqoro vakalevu,+Era na dredrevaki koya tale ga.+
7 “Qo na tamata e sega ni nona ivakaruru*+ na Kalou,E vakanuinui ga ena nona iyau levu+Qai vakararavi ena* nona inaki ca.”*
8 Ia au na vaka na vuniolive bulabula ena vale ni Kalou,Au vakanuinui ena dei ni nona loloma+ na Kalou, me tawamudu, io me tawamudu.
9 Au na vakacaucautaki kemuni me tawamudu ni oni sa yavala,+E matadra na nomuni tamata yalodina,Au na vakanuinui ena yacamuni,+ ni vinaka qo.
iVakamacala e ra
^ Raica na iVakamacala ni Vosa.
^ Se “koronivalu.”
^ Se “Qai lai vakaruru ena.”
^ Ipe., “leqa e vakavuna o koya.”
