Raica sara na lewena

Soqoni ni iVakadinadina i Jiova

Raica na veika e dau vakayacori ena neimami soqoni. Vaqara na vanua ni soqoni e voleka ena nomu itikotiko.

iVunau Vakaivolatabu: Ena vula o Maji, ena rogoci tiko e dua na ivunau ena ivavakoso kece ni iVakadinadina i Jiova. Na kena ulutaga “O sa Kunea na ‘Mataniciva Saulevu’?” Ena vakamacalataki kina e rua na vosa vakatautauvata i Jisu, kei na ka eda rawa ni vulica kina.

iRogo me Baleta na Coronavirus (COVID-19): Ena vuku ni matedewa na COVID-19, ena saravi neimami soqoni ena vidio. Mo kila na sala mo sema kina ena soqoni, taroga e dua na iVakadinadina i Jiova, se tabaka na bulukau e toka qo e ra.

Vanua Volekati Iko (opens new window)

Na Cava e Dau Caka ena Neimami Soqoni?

Keimami dau sokalou vakarua ena dua na macawa na iVakadinadina i Jiova. (Iperiu 10:24, 25) E dola raraba na soqoni qo qai dau dikevi kina na ka e tukuna na iVolatabu kei na sala me muri kina na kena ivakavuvuli.

E dau caka ena so na soqoni na saumitaro, mera vakaitavi na vakarorogo me vaka ga na veivosaki ena loma ni kalasi. E tekivu qai tini na soqoni kece ena sere kei na masu.

E sega ni gadrevi sara mo dua na iVakadinadina i Jiova mo qai tiko ena neimami soqoni. Keimami dau veisureti ina neimami soqoni qai sega ni saumi na icurucuru. E sega tale ga ni caka na kumuni ilavo.