Same 39:1-13
Vei koya na dairekita, ni Jitucuni.*+ Na sere i Tevita.
39 Au kaya: “Au na taqomaka noqu ilakolakoMeu kua kina ni valavala ca ena yamequ.+
Au na taqomaka na gusuqu ena itarovi+Ena gauna kece e tiko kina kei au na daucaka ca.”
2 Au sega ni vosa rawa qai tiko lo,+Au galuvaka mada ga na ka vinaka,Ia e tarabi* na noqu mosi.
3 Sa kubou* mai na lomaqu.
Niu vakasamataka vakabibi,* e waqa tiko ga.
E qai vosa na yamequ:
4 “I Jiova, ni vukei au meu kila se cava na kequ itinitini,Kei na iwiliwili ni noqu siga,+Meu kila kina na lekaleka ni noqu bula.
5 Io, oni vakavuna me vica wale ga* na noqu siga,+Kei na dede ni noqu bula e sega ni dua na ka e matamuni.+
Na tamata kece, veitalia ke rairai dei tu, e sega ni dua na ka, e icegu wale ga.+ (Sela)
6 E dina ni taubale voli na tamata kece me vaka na iyaloyalo.
E ka wale na nona vakatotolo voli.*
E binia na iyau, e sega ni kila se o cei ena marautaka.+
7 Ia na cava meu vakanuinui kina, i Jiova?
O kemuni ga na noqu inuinui.
8 Ni vakabulai au mai na noqu cala kece.+
Kua ni laiva na lialia me beci au.
9 Au sega ni vosa rawa,Au sega ni dolava rawa na gusuqu,+Ni qo na ka oni cakava.+
10 Ni kauta tani vei au na nomuni kuita.
Au sa dadaga ni mokuti au tiko na ligamuni.
11 Oni vakadodonutaka na tamata ena itotogi ena vuku ni nona cala,+Oni kania na veika e vakamareqeta me vaka e cakava na sarasara.
E dina ni icegu wale ga na tamata kece.+ (Sela)
12 Ni rogoca noqu masu, i Jiova,Ni rogoca na noqu tagi ni kere veivuke.+
Ni kua ni vakawalena na wainimataqu.
Niu tiko vulagi ga vei kemuni,+E dua ga na dauveilakoyaki e takoso,* me vakataki ira kece na noqu qase.+
13 Vukica tani vei au na matamuni cudrucudru meu marau kina,Ni bera niu lako yani, au qai yali vakadua.”
iVakamacala e ra
^ Raica na iVakamacala ni Vosa.
^ Se “yavalati.”
^ Ipe., “katakata mai.”
^ Se “niu vutugu.”
^ Ipe., “me rabaniliga.”
^ Ipe., “nona vakasosa.”
^ Se “dua na tawavanua.”
