Same 29:1-11
Na sere i Tevita.
29 Solia vei Jiova na ka e nona, kemuni na luve ni qaqa,Solia vei Jiova na ka e nona ena vuku ni nona lagilagi kei na kaukaua.+
2 Solia vei Jiova na vakarokoroko e ganita na yacana.
Cuva vei* Jiova ena iukuuku savasava.*
3 Na domo i Jiova e rogo e dela ni wai,E vakuru na Kalou lagilagi.+
Sa tu e dela ni wai o Jiova.+
4 Na domo i Jiova e kaukaua,+Na domo i Jiova e totoka.
5 Na domo i Jiova e musuka na sitari,Io, o Jiova e vorolaka na sitari ni Lepanoni.+
6 E vakavuna me lade o Lepanoni* me vaka na luvenibulumakau,Kei Sirioni+ me vaka na luvenibulumakau tagane kila.
7 Na domo i Jiova e lidi vata kei na yameyame ni buka,+
8 Na domo i Jiova e vakavuna me sakure na vanua talasiga,+E vakavuna o Jiova me sakure na vanua talasiga kei Ketesi.+
9 Na domo i Jiova e vakavuna mera sautaninini na dia ra qai vakasucuE vaqeavutaki tale ga kina na veikauloa.+
Era qai kaya kece na tiko e nona valenisoro: “Lagilagi!”
10 E dabe tiko vakatui o Jiova ena dela ni wai ni waluvu,*+Sa dabe tiko vakatui o Jiova me Tui tawamudu.+
11 O Jiova ena solia na kaukaua vei ira na nona tamata.+
O Jiova ena vakalougatataki ira na nona tamata ena vakacegu.+
iVakamacala e ra
^ Se “Sokaloutaki.”
^ Se rawa ni, “ena totoka ni nona savasava.”
^ E dusia na veiulunivanua e Lepanoni.
^ Se “ena wasawasa vakalomalagi.”
