Same 88:1-18
Na sere. Na nodra sere na luvei Kora.+ Vei koya na dairekita, ena iwalewale i Mahalaca,* me lagati vakaiwasewase. Na Masikili* nei Imani+ na Eseraiti.
88 Kemuni Jiova, na Kalou e vakabulai au,+Au tagi yani ena siga,Au lako tale ga yani e matamuni ena bogi.+
2 Me yaco yani vei kemuni na noqu masu,+Ni vakala na daligamuni* ena noqu tagi ni kere veivuke.+
3 Ni sa sinai noqu bula ena leqa,+Na noqu bula tale ga sa tu ena bati ni iBulubulu.*+
4 Au sa wili kei ira na lako sobu ina qara,*+Au tamata vakaloloma,*+
5 Sa biu tu ena kedra maliwa na mateMe vakataki ira na vakamatei era davo tu ena ibulubulu,Oni sa sega tale ni nanumi iraRa qai tawasei mai na nomuni veitaqomaki.*
6 Oni biuti au ena qara lolovira duadua,Ina vanua butobuto, ena qara vakaitamera e sega ni vakabotona.
7 E tarabi vei au na levu ni nomuni cudru,+Oni qai luvuci au ena vadugu ni nomuni biau. (Sela)
8 Oni vakatalai ira na noqu veikilai mera yawaki au,+Oni vakavuna mera sevaki au.
Au sa tacori qai sega ni dro rawa.
9 Sa malumalumu mai na mataqu ena vuku ni noqu rarawa.+
Au kaci yani vei kemuni, i Jiova, ena siga taucoko,+Au dodoka yani na ligaqu vei kemuni.
10 Oni na cakava na ka veivakurabuitaki ena vukudra na mate?
E rawa nira tucake na mate sa sega tu nodra kaukaua mera vakacaucautaki kemuni?+ (Sela)
11 Vakacava, ena tukuni na dei ni nomuni loloma ena ibulubulu,Na nomuni yalodina ena vanua ni veivakarusai?*
12 Ena kilai na kemuni vakatubuqoroqoro ena butobutoSe nomuni yalododonu ena vanua e dau guilecavi kina na ka?+
13 Ia au tagi tiko ga ni kere veivuke vei kemuni, i Jiova,+E yaco yani vei kemuni e veimataka na noqu masu.+
14 Kemuni Jiova, na cava oni sa cati au kina?*+
Na cava oni vunia kina vei au na matamuni?+
15 Mai na gauna au se gone kina,Au dau vakaloloma qai voleka sara ni mate,+Au sa nunu ena veika vakadomobula oni vakatara meu sotava.
16 Au sa sega ni taqea rawa na nomuni cudru waqawaqa,+Sa vakarusai au na nomuni veika vakarerevaki.
17 Era sa wavokiti au me vaka na wai ena siga taucoko,Era volekati au mai ena yasana kece.*
18 Oni sa vakayawaki ira na noqu itokani kei na noqu ilala vei au,+Na butobuto e sa mai noqu ilala.
iVakamacala e ra
^ Raica na iVakamacala ni Vosa.
^ Raica na iVakamacala ni Vosa.
^ Se “Ni cuva qai vakarorogo.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “Au sa vaka na tamata e sega nona kaukaua.”
^ Se “ibulubulu.”
^ Ipe., “na ligamuni.”
^ Se “yalodina e Apatoni.”
^ Se “cata kina noqu bula.”
^ Se rawa ni, “ena dua ga na gauna.”
