Same 66:1-20
Vei koya na dairekita. Na Same. Na sere.
66 Ni kaila ena qaqa vua na Kalou, na vuravura taucoko.+
2 Ni sere ena vakacaucau* ina yacana lagilagi.
Me lagilagi na nona vakacaucautaki.+
3 Kaya vua na Kalou: “Sa bau vakatubuqoroqoro dina na nomuni cakacaka!+
Ena vuku ni nomuni kaukaua levu,Na kemuni meca era na vakamalumalumu e matamuni.+
4 Na vuravura taucoko ena cuva vei kemuni,+Era na sere ena vakacaucau vei kemuni,Era na sere ena vakacaucau ina yacamuni.”+ (Sela)
5 Ni mai raica na cakacaka ni Kalou.
Na nona cakacaka vei ira na luve ni tamata sa rui vakatubuqoroqoro.+
6 E vukica o koya na wasawasa me qele mamaca,+Era takosova na uciwai ena yavadra.+
Eda marautaki koya vakalevu e kea.+
7 E veiliutaki o koya me tawamudu+ ena nona kaukaua levu.
Na matana e yadrava tiko na veimatanitu.+
Mera kua ni vakacerecerei ira ga na yalokaukaua.+ (Sela)
8 Vakacaucautaka na noda Kalou, kemuni na veimatatamata,+Me rogo yani na nona vakacaucautaki.
9 E maroroya o koya noda bula,+E sega ni vakatara me tarabe* na yavada.+
10 Ni oni sa dikevi keimami, kemuni na Kalou,+Oni sa vakasavasavataki keimami me vaka na vakasavasavataki ni siliva.
11 Oni a kauti keimami i loma ni lawa ni vakasasa,Oni biuta vei keimami na icolacola bibi e sega ni taqei rawa.*
12 Oni vakatara mera vodo takoso e delai keimami* na tamata,Keimami lako curuma mai na bukawaqa kei na wai,Oni qai kauti keimami ena vanua ni vakacegu.
13 Au na lako yani ina nomuni vale kei na isoro kama taucoko,+Au na vakayacora na noqu bubului vei kemuni+
14 Ena ka e yalataka na tebenigusuqu+Qai cavuta na gusuqu ena gauna au leqa tu kina.
15 Au na cabora na isoro kama ni manumanu uro vei kemuniKei na kubou ni isoro tamanisipi.
Au na cabora vata na bulumakau tagane kei na me tagane. (Sela)
16 Lako mai moni rogoca, o kemuni kece na rerevaka na Kalou,Au na qai tukuna vei kemuni na ka sa cakava o koya ena vukuqu.+
17 Au kaci vua ena gusuquQai vakacerecerei koya ena yamequ.
18 Keu maroroya na ka mosimosi e lomaqu,Ena sega ni rogoci+ au o Jiova.
19 Ia e rogoca+ dina na Kalou,E vakatudaliga ina noqu masu.+
20 Me vakacaucautaki na Kalou, e sega ni cata na noqu masuSe bureitaka vei au na dei ni nona loloma.
iVakamacala e ra
^ Se “Ni vakatagi.”
^ Se “tataivatia, taceba.”
^ Ipe., “ena dibi keimami.”
^ Ipe., “e ulu i keimami.”
