Same 54:1-7
-
Masu ni kere veivuke nira tiko na meca
-
“Kalou e dau vukei au” (4)
-
Vei koya na dairekita, me salavata na ivakatagi vakawa. Masikili.* Na same i Tevita, nira lako mai na kai Sifi qai kaya vei Saula: “E vuni tiko ena keimami+ maliwa o Tevita.”
54 Kemuni na Kalou, ni vakabulai au ena yacamuni,+Qai totaki au*+ ena nomuni kaukaua.
2 Kemuni na Kalou, ni rogoca noqu masu,+Ni vakatudaliga ina vosa ni gusuqu.
3 Nira sa duri na vulagi mera saqati au,Kei ira na dauvakacaca mera qara noqu bula.+
Era sega ni bau kauaitaka na Kalou.*+ (Sela)
4 Raica! Na Kalou e dau vukei au,+O Jiova e tiko kei ira na tokoni au.
5 Ena saumi ira na kequ meca+ ena nodra ca ga,Ena nomuni yalodina, ni muduki* ira.+
6 Au na yalorawarawa ni vakacaboisoro vei kemuni.+
Au na vakacaucautaka na yacamuni Jiova, ni rui vinaka.+
7 Ni dau vakabulai au o koya mai na leqa kece ga,+Au na rai tale ga ena qaqa vei ira na kequ meca.+
iVakamacala e ra
^ Raica na iVakamacala ni Vosa.
^ Se “Qai valataka na veika me baleti au.”
^ Se “Era sega ni biuta tu ga e matadra na Kalou.”
^ Ipe., “vagalui.”
