Same 136:1-26

  • Tawamudu na dei ni loloma i Jiova

    • Buli vakamaqosa na lomalagi kei na vuravura (5, 6)

    • Mate o Fero ena Wasa Damudamu (15)

    • Kalou e nanumi ira na rarawa (23)

    • Kedra kakana na kabula kece (25)

136  Vakavinavinaka vei Jiova, ni vinaka o koya,+E tawamudu na dei ni nona loloma.+  2  Vakavinavinaka vua na nodra Kalou na kalou,+Ni tawamudu na dei ni nona loloma.  3  Vakavinavinaka vua na nodra Turaga na turaga,Ni tawamudu na dei ni nona loloma.  4  O koya duadua ga e dau cakava e levu na ka veivakurabuitaki,+Ni tawamudu na dei ni nona loloma.+  5  E bulia* vakamaqosa na lomalagi,+Ni tawamudu na dei ni nona loloma.  6  E tevuka na vuravura e delaniwai,+Ni tawamudu na dei ni nona loloma.  7  E bulia o koya na cina lelevu,+Ni tawamudu na dei ni nona loloma,  8  Na matanisiga me lewa na siga,+Ni tawamudu na dei ni nona loloma,  9  Na vula kei na veikalokalo me lewa na bogi,+Ni tawamudu na dei ni nona loloma. 10  E mokuta o koya na ulumatua ni Ijipita,+Ni tawamudu na dei ni nona loloma. 11  E kauti Isireli tani mai na kedra maliwa,+Ni tawamudu na dei ni nona loloma, 12  Ena liga qaqa+ kei na liga sa dodo tu,Ni tawamudu na dei ni nona loloma. 13  E wasea rua* na Wasa Damudamu,+Ni tawamudu na dei ni nona loloma. 14  E vakavuna o koya mera taubale e loma na Isireli,+Ni tawamudu na dei ni nona loloma. 15  E kureitaki Fero laivi kei na nona mataivalu ina Wasa Damudamu,+Ni tawamudu na dei ni nona loloma. 16  E liutaki ira na nona tamata ena vanua talasiga,+Ni tawamudu na dei ni nona loloma. 17  E mokuti ira na tui lelevu,+Ni tawamudu na dei ni nona loloma. 18  E vakamatei ira na tui qaqa,Ni tawamudu na dei ni nona loloma, 19  O Sioni+ na nodra tui na Amoraiti,Ni tawamudu na dei ni nona loloma, 20  Kei Oki+ na tui Pasani,Ni tawamudu na dei ni nona loloma. 21  E solia o koya na nodra qele me ivotavota,+Ni tawamudu na dei ni nona loloma, 22  E ivotavota vei Isireli na nona dauveiqaravi,Ni tawamudu na dei ni nona loloma, 23  E nanumi keda o koya nida lolovira tu,+Ni tawamudu na dei ni nona loloma.+ 24  E vakabulai keda vei ira na keda meca,+Ni tawamudu na dei ni nona loloma. 25  E solia o koya na kakana vei ira na kabula kece,*+Ni tawamudu na dei ni nona loloma. 26  Ni vakavinavinaka vua na Kalou ni lomalagi,Ni tawamudu na dei ni nona loloma.

iVakamacala e ra

^ Se “E cakava vakayalomatua.”
^ Ipe., “me tikitikina.”
^ Ipe., “na lewe kece ga.”
VAKADEWA NI VURAVURA VOU (VAKADEWA VAKAVOUTAKI NI 2013)
Same 136
vakaViti
Wilika na iVolatabu ena Internet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt t. 40