Same 18:1-50
Vei koya na dairekita. Ena vuku i Tevita na dauveiqaravi i Jiova, o koya e cavuta na qaqa ni sere qo vei Jiova ena siga e vakabulai koya kina o Jiova mai na ligadra kece na kena meca, mai na liga i Saula tale ga. E kaya:+
18 Au lomani kemuni, i Jiova, na noqu kaukaua.+
2 E noqu uluvatu o Jiova, e noqu bai kaukaua, o koya tale ga e dau vakabulai au.+
Noqu Kalou e noqu uluvatu,+ au dau vakaruru vua,E noqu isasabai, e noqu ileu* ni bula,* e noqu ivakaruru tudei.*+
3 Au kaci vei Jiova, o koya e dodonu me vakacaucautaki,Au na qai vakabulai vei ira na kequ meca.+
4 Sa wavokiti au na dali ni mate,+E vakarerei au na waluvu ni tamata macawa.+
5 E voliti au na dali nei iBulubulu,*E tavaki au na dai ni mate.+
6 Au kaci yani vei Jiova niu leqa,Au tagi tiko ga vua na noqu Kalou niu kere veivuke.
E rogoca na domoqu mai na nona valenisoro,+Na noqu tagi ni kere veivuke e yaco sara i daligana.+
7 E tekivu sakure na vuravura qai sautaninini,+E yavavala na yavu ni veiulunivanuaQai sasakurekure ni sa vakacudrui.+
8 E cawa cake mai ucuna na kubou,Qai lako mai gusuna na bukawaqa dauveivakarusai,+E caudre mai vua na koala waqa.
9 E loveca o koya na lomalagi ni siro mai,+Qai tu e ruku ni yavana na butobuto vavaku.+
10 E vodoka e dua na jerupi qai vuka mai.+
E coka sobu mai vakasauri ena taba ni dua na kabula vakayalo.*+
11 E mani vunitaki koya ena butobuto,+Me wavokiti koya tu me vaka na ivakaruru,Na wai loaloa kei na o vavaku.+
12 Mai na rarama e tu e matanaE basuraka mai na o na uca qereqere kei na koala waqa.
13 E qai kurukuru mai lomalagi o Jiova,+E vosa mai o koya e Cecere Duadua+Ena uca qereqere kei na koala waqa.
14 E vanataka na nona gasau qai vakavuna mera veiseyaki,+E kolotaka na yaseyase qai vakavuna mera veilecayaki.+
15 Sa laurai mai na boto ni uciwai,*+Sa vakavotui na yavu ni vanua ena nomuni veivunauci, i Jiova,Ena kaukaua ni icegu ni ucumuni.+
16 E tatara sobu mai cake,E tauri au qai dreti au mai na wai titobu.+
17 E vakabulai au mai na kequ meca kaukaua,+Vei ira na cati au tiko, era kaukaua vei au.+
18 Era saqati au ena siga ni noqu rarawa,+Ia e tokoni au o Jiova.
19 E kauti au ina dua na vanua ni veitaqomaki,*E vakabulai au, ni marautaki au.+
20 E vakaicovitaki au o Jiova me vaka na noqu yalododonu,+E saumi au ni sega ni cala* na ligaqu.+
21 Niu muria tiko ga na sala i Jiova,Au sega ni caka ca meu biuta na noqu Kalou.
22 E tu ga e mataqu na nona lewa kece,Au na sega ni gole tani mai na nona ivakaro.
23 Au na sega ni cala e matana,+Au na tarovi au tale ga mai na cakacala.+
24 Me saumi au o Jiova me vaka na noqu yalododonu,+Me vaka ni sega ni cala na ligaqu e matana.+
25 Oni na yalodina vei koya e yalodina,+Ena tabucala na nomuni valavala vua na tamata e tabucala,+
26 Oni na vakaraitaka ni oni savasava vei koya e savasava,+Ia oni na vakaraitaka ni oni vuku vei koya e veidabui.+
27 Ni oni vakabulai ira na vakaloloma,*+Ia oni vakalolovirataka na tamata qaciqacia.*+
28 Ni o kemuni oni waqara na noqu cina, i Jiova,Na noqu Kalou oni vakararamataka na noqu butobuto.+
29 Ena nomuni veivuke au rawa ni saqati ira kina na ilala daubutako,+Ena kaukaua ni Kalou au rawa ni kabata kina na bai.+
30 E uasivi na nona ivalavala na Kalou dina,+E savasava na vosa i Jiova.+
E isasabai o koya vei ira kece na vakaruru vua.+
31 O cei tale na Kalou e tautauvata kei Jiova?+O cei tale na uluvatu e tautauvata kei na noda Kalou?+
32 Na Kalou dina e vakaisulutaki au ena kaukaua,+Ena cakava tale ga me uasivi na noqu sala.+
33 E cakava na yavaqu me vaka na yava ni dia,E vakaduri au ena veivanua cecere.+
34 E vakavulica na ligaqu me vala,Na ligaqu e rawa ni loveca na dakaititi kopa.
35 Oni solia vei au na nomuni isasabai ni bula,+E tokoni* au na ligamuni imatau,Qai vakalevulevui au na nomuni yalomalumalumu.+
36 Oni vakarabailevutaka na sala ni yavaqu,Ena sega ni tidara na yavaqu.*+
37 Au na cicimuri ira na kequ meca qai toboki ira,Au na sega ni suka me yacova nira sa vakawabokotaki.
38 Au na qaqi ira mera kua ni duri rawa,+Era na bale e ruku ni yavaqu.
39 Oni na vakaiyaragitaki au ena kaukaua meu vala kina,Oni na vakabalei ira na kequ meca e rukuqu.+
40 Oni na vakasukai ira na kequ meca,*Au na qai vakarusai* ira era cati au.+
41 Era tagi ni kere veivuke, ia e sega ni dua me vakabulai ira,Era tagi mada ga vei Jiova, ia e sega ni rogoca o koya.
42 Au na tukilaki ira vakamatailalai vaka na kuvuniqele ena cagi,Au na viritaki ira laivi me vaka na soso e gaunisala.
43 Oni na vakabulai au mai na nodra vaqara cala na tamata.+
Oni na lesi au meu nodra iliuliu na veimatanitu.+
Ena qaravi au na matatamata au sega ni kila.+
44 Era na talairawarawa vei au ena itukutuku wale ga era rogoca,Era na vakamalumalumu e mataqu na kaitani.+
45 Ena yali nodra yaloqaqa* na kaitani,Era na lako ninini mai ena nodra bai kaukaua.
46 E bula o Jiova! Me vakacaucautaki ga na noqu Uluvatu!+
Me vakacerecerei na Kalou e vakabulai au.+
47 E veisausaumi ena vukuqu na Kalou dina,+E vakamalumalumutaka na veimatatamata e rukuqu.
48 E dau vakabulai au mai vei ira na kequ meca cudrucudru,Oni laveti au meu cecere vei ira na saqati au,+Oni vakabulai au mai vua na tamata itovo kaukaua.
49 Oya na vuna au na vakalagilagi kemuni kina Jiova+ ena kedra maliwa na veimatanitu,Qai sere ena vakacaucau ina yacamuni.+
50 E vakayacora na cakacaka ni veivakabulai* levu vua na nona tui,+E vakaraitaka na loloma e dei vua na nona lumuti,+Vei Tevita kei na nona kawa me tawamudu.+
iVakamacala e ra
^ Raica na iVakamacala ni Vosa.
^ Se “noqu ivakabula kaukaua.”
^ Se “noqu vanua cecere tudei.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “ena cagi.”
^ Se “na veisalaniwai.”
^ Se “na vanua vakacirigalala.”
^ Ipe., “ni savasava.”
^ Se “na vakaleqai tu.”
^ Ipe., “mata qaciqacia.”
^ Se “E vakataudeitaki.”
^ Se “na noqu qurulasawa.”
^ Se “O na solia vei au na usousonidomodra na kequ meca.”
^ Ipe., “vagalui.”
^ Se “Era na seavu yani.”
^ Se “na qaqa vakairogorogo.”
