Same 94:1-23

  • Masu me veisausaumi na Kalou

    • ‘Vakacava na dede ni daucaka ca?’ (3)

    • Vakavumarau na veivakadodonutaki i Ja (12)

    • Sega ni biuti ira nona tamata na Kalou (14)

    • “Vakatubuleqa tiko ena yaca ni lawa” (20)

94  Kemuni na Kalou ni veisausaumi, Jiova,+Ni serau mai, kemuni na Kalou ni veisausaumi!   Ni tucake, kemuni na Turaganilewa kei vuravura.+ Ni sauma vei ira na qaciqacia na veika e ganiti ira.+   Ena vakacava na dede ni daucaka ca, i Jiova,Ena vakacava na dede ni nona reki tiko na daucaka ca?+   Era vosavosa qai vosa vakadokadoka,O ira kece na daucaka cala era tukutukuni ira.   Kemuni Jiova, era qaqi ira na nomuni tamata,+Qai vakasaurarataka na nomuni ivotavota.   Era vakamatea na yada kei koya e tiko vulagi,Ra qai labata na gone era sega ni vakatamani.   Era kaya: “E sega ni raica o Ja,+E sega ni bau kauai kina na Kalou i Jekope.”+   Kemuni na lecaika, ni kila mada qo,Kemuni na lialia, oni na qai vakaraitaka enaica na yalomatua?+   Vakaevei e sega ni rogo rawa o koya e bulia* na daliga? E sega ni rai rawa o koya e bulia na mata?+ 10  Vakaevei e sega ni veivunauci rawa o koya e vakadodonutaka tiko na veimatanitu?+ O koya sara ga e solia na kila vei ira na tamata!+ 11  O Jiova e kila na vakanananu ni tamata,Nira icegu wale ga.+ 12  E marau na tamata oni vakadodonutaka, i Ja,+O koya oni vakavulica ena nomuni lawa,+ 13  Me vakacegui koya ena siga ni leqa,Me yacova ni sa keli na kena qara na daucaka ca.+ 14  Ni o Jiova ena sega ni biuti ira nona tamata,+Se vakanadakuya nona ivotavota.+ 15  Ni na dodonu tale na lewa,Era na muria tale ga o ira kece e dodonu na lomadra. 16  O cei ena tu ena vukuqu me saqati ira na daucaka ca? O cei ena tu ena vukuqu me saqati ira na daucaka cala? 17  Ke a sega ni dau vukei au o Jiova,Ena totolo ga na noqu mate.*+ 18  Niu kaya: “Sa tidara tiko na yavaqu,”Na dei ni nomuni loloma, i Jiova, e tokoni au tu ga.+ 19  Ni bikai au* na nuiqawaqawa,*Oni vakacegui au qai vakayaloqaqataki au.+ 20  Vakacava, ena rawa ni tovata kei kemuni na itikotiko vakaturaga* ni veidabuiNi vakatubuleqa tiko ena yaca ni lawa?*+ 21  Era tusaqata vakaukaua na yalododonu+Qai lewa me mate o koya e sega nona cala.*+ 22  Ia o Jiova ena noqu ivakaruru tudei,*Na noqu Kalou e noqu vatu ni ivakaruru.+ 23  Ena vakavuna me yacovi ira tale na nodra caka ca.+ Ena vakarusai* ira ena ca ga era vakavuna. O Jiova na noda Kalou ena vakarusai* ira.+

iVakamacala e ra

Ipe., “tea.”
Ipe., “tikogalugalu.”
Se “Ni sa levu mai e lomaqu.”
Se “veilecayaki ni vakasama.”
Se “nailiuliu, turaganilewa.”
Se “ena ivakaro.”
Ipe.,“Kei na dra i koya e sega ni cala era kaya ni cala (daucakaca).”
Se “noqu vanua cecere tudei.”
Ipe., “vagalui.”
Ipe., “ena vagalui.”