Same 118:1-29
118 Vakavinavinaka vei Jiova, ni vinaka o koya,+E tawamudu na dei ni nona loloma.
2 Me kaya qo o Isireli:
“E tawamudu na dei ni nona loloma.”
3 Mera kaya qo na mataqali i Eroni:
“E tawamudu tu ga na dei ni nona loloma.”
4 Mera kaya qo na rerevaki Jiova:
“E tawamudu na dei ni nona loloma.”
5 Au kaci vei Ja* niu rarawa,E rogoca o Ja qai kauti au ina vanua ni veitaqomaki.*+
6 E tu e yasaqu o Jiova, au na sega ni rere.+
Cava ena cakava rawa vei au na tamata?+
7 E tu e yasaqu o Jiova me dau vukei au,*+Au na rai ena qaqa vei ira na cati au.+
8 E vinaka cake na vakaruru vei JiovaMai na vakanuinui vei ira na tamata.+
9 E vinaka cake na vakaruru vei JiovaMai na vakanuinui vei ira na turaga.+
10 Na veimatanitu kece era sa wavoliti au,Ia au cemuri ira laivi,+Ena yaca i Jiova.
11 Era wavoliti au, io, au sa wavoliti vakadua,Ia ena yaca i Jiova,Au cemuri ira laivi kina.
12 Era wavoliti au vaka na oni,Ia era boko totolo vaka na bukawaqa ena maliwa ni votonikau.
Ena yaca i Jiova,Au cemuri ira laivi kina.+
13 Au biligi vakaukaua* meu bale,Ia e vukei au o Jiova.
14 O Ja na noqu ivakaruru kei na noqu kaukaua,Sa noqu ivakabula tale ga o koya.+
15 Na rorogo ni marau levu kei na veivakabulai*E tu ena veivalelaca ni yalododonu.
Na liga imatau i Jiova e vakaraitaka na kena kaukaua.+
16 Na liga imatau i Jiova e cerere,Na liga imatau i Jiova e vakaraitaka na kena kaukaua.+
17 Au na sega ni mate, sega, au na bula tiko,Meu tukuna kina na cakacaka i Ja.+
18 O Ja e vakadodonutaki au vakaukaua,+Ia e sega ni soli au ina mate.+
19 Dolava vei au na matamata ni yalododonu,+Au na curu kina qai vakacaucautaki Ja.
20 Qo na matamata i Jiova.
Era na curu kina na yalododonu.+
21 Au na vakacaucautaki kemuni, ni oni rogoci au mai+Oni sa noqu ivakabula tale ga.
22 Na vatu era a cata na mataiSa mai vatu ni ivakadei ena tutunivale.*+
23 Qo e vakavuna o Jiova,+E ka veivakurabuitaki e matada.+
24 Qo na siga sa lesia o Jiova,Eda na marau, eda na marau kina vakalevu.
25 Yalovinaka Jiova, keimami vakamamasu moni vakabulai keimami!
I Jiova, yalovinaka ni solia vei keimami na qaqa!
26 Sa kalougata o koya e lako mai ena yaca i Jiova,+Keimami vosa vakalougatataki kemuni mai na vale i Jiova.
27 O Jiova na Kalou,E solia vei keda na rarama.+
Mai veitomani ena soqo ni tayabe ni oni taura na tabanikau,+Me yaco sara ena ileu ni icabocabonisoro.+
28 O kemuni na noqu Kalou, au na qai vakacaucautaki kemuni,Noqu Kalou, au na vakacerecerei kemuni.+
29 Vakavinavinaka vei Jiova,+ ni sa vinaka o koya,E tawamudu na dei ni nona loloma.+
iVakamacala e ra
^ Na “Ja” na ivakaleka ni yaca Jiova.
^ Se “mai na vanua vakacirigalala.”
^ Se “o Jiova kei ira na vukei au.”
^ Se rawa ni, “O biligi au vakaukaua.”
^ Se “qaqa.”
^ Ipe., “ena ulu ni tutunivale.”
