Same 108:1-13
Na sere. Na sere i Tevita.
108 Kemuni na Kalou sa dei na lomaqu.
Au na lagasere qai vakatagi ena yaloqu taucoko.*+
2 Yadra mai, na ivakatagi vakawa, o iko tale ga na api.+
Au na vakayadrata na mataka me kida mai.
3 Kemuni Jiova, au na vakacaucautaki kemuni ena veimatatamata,Au na qai sere ena vakacaucau* vei kemuni ena veimatanitu.
4 Ni levu qai dei na nomuni loloma, e cecere vaka na lomalagi,+Na nomuni yalodina tale ga, e yaco sara i macawa.
5 Moni cecere cake mai na lomalagi, kemuni na Kalou,Na kemuni lagilagi me roboti vuravura taucoko.+
6 Me vakabulai kina o ira oni lomana,Vakabulai keimami ena ligamuni imatau qai rogoci au.+
7 Sa vosa na Kalou ena nona savasava:*
“Au na reki, au na soli Sikemi+ yani me ivotavota,Au na vakarautaka tale ga na Buca* o Sukoci.+
8 O Kiliati+ e noqu, o Manasa tale ga,Qai isala* ni uluqu o Ifireimi,+O Juta e noqu ititoko vakaturaga.+
9 O Moapi e noqu beseni ni savasava.+
Au na viritaka e Itomi na noqu ivava.+
Au na kaila ena qaqa e Filisitia.”+
10 O cei ena kauti au ina koro e taqomaki vinaka tu?
O cei ena liutaki au sara i Itomi?+
11 E sega ni o kemuni ga na Kalou sa cati keimami,Na neimami Kalou, sa sega tale ni lako yani kei na neimami mataivalu?+
12 Ni vukei keimami ena neimami leqa,+Ni sega na betena na veivakabulai vakatamata.+
13 Eda na rawata na kaukaua ena vuku ni Kalou,+Ena qai butuki ira na keda meca o koya.+
iVakamacala e ra
^ Ipe., “ena kequ lagilagi mada ga.”
^ Se “Au na qai vakatagi.”
^ Se “nona vanua tabu.”
^ Se “ena Vanua Lolovira.”
^ Ipe., “koro kaukaua.”
