Same 63:1-11
Na sere i Tevita, ni tiko voli ena vanua talasiga kei Juta.+
63 Kemuni na Kalou, oni noqu Kalou, au vaqarai kemuni tiko ga.+
Au karamaca ena vukumuni.+
Au* sa malumalumu ena noqu waraki kemuniEna vanua mamaca qai sigasiga, e sega kina na wai.+
2 Au sa raici kemuni gona ena vanua tabu,Au sa raica na nomuni kaukaua kei na kemuni lagilagi.+
3 Ni vinaka cake mai na bula na dei ni nomuni loloma,+Ena vakalagilagi kemuni na tebenigusuqu.+
4 Au na vakacaucautaki kemuni ena noqu bula taucoko,Au na laveta cake na ligaqu ena yacamuni.
5 Au vakamamautaki ena ivotavota vinaka duadua qai talei,*Ena vakacaucautaki kemuni ena marau na tebenigusuqu.+
6 Au nanumi kemuni ena noqu imocemoce,Au vakasamataki kemuni vakatitobu niu yadra tiko ena bogi.+
7 Ni o kemuni oni dau vukei au,+Au qai kaila ena marau levu ena ruku ni tabamuni.+
8 Au kabiti kemuni.
Na ligamuni imatau e tauri au matua tiko.+
9 Ia o ira era saga mera vakaleqa noqu bulaEra na lako sobu ina vanua titobu kei vuravura.
10 Era na soli yani ena kaukaua ni iseleiwau,Era na kedra kakana na jakoli.*
11 Ia na tui ena marautaka vakalevu na Kalou.
Ena reki* na tamata yadua e bubului ena vukuna,Ena vagalui na gusudra na vosa lasu.
iVakamacala e ra
^ Ipe., “Na lewequ.”
^ Ipe., “uro kei na uro vavaku.”
^ Se “fokisi.”
^ Se “sakitaki.”
