Same 71:1-24
71 I Jiova, au sa vakaruru vei kemuni.
Meu kua vakadua ni vakamadualaki.+
2 Ni vakabulai au ena nomuni yalododonu, ni vueti au.
Ni vakala mai na daligamuni,* ni vakabulai au.+
3 Moni noqu vatu ni ivunivuniNa vanua au rawa ni lako tu ga kina.
Solia na ivakaro meu vakabulai,Ni oni noqu uluvatu, oni noqu bai kaukaua tale ga.+
4 Noqu Kalou, ni vakabulai au mai na liga ni daucaka ca,+Mai na nona iqumi o koya e dau veivakasaurarataki vakatawadodonu.
5 Ni o kemuni na noqu inuinui, Turaga Cecere Duadua Jiova,Au dau nuitaki kemuni* mai na gauna au se gone kina.+
6 Au vakararavi vei kemuni mai na gauna au sucu kina,O kemuni ga oni kauti au mai na katonigone i tinaqu.+
Au vakacaucautaki kemuni tiko ga.
7 Au sa vaka na cakamana vei ira e levu,O kemuni ga na noqu ivakaruru kaukaua.
8 Ena vakacaucautaki kemuni tu ga na gusuqu+Au dau tukuna na kemuni lagilagi e veisiga taucoko.
9 Ni kua ni kolotaki au laivi niu sa qase mai,+Ni kua ni biuti au ni sa oti noqu kaukaua.+
10 Era vosavakacacataki au na kequ meca,Era qai bukia na kequ vere o ira na via vakamatei au,+
11 Era kaya tiko: “Sa biuti koya na Kalou.
Cicimuri koya qai toboka, ni sega ni dua me vakabulai koya.”+
12 Kemuni na Kalou, ni kua ni yawaki au tiko.
Noqu Kalou, ni totolo mai moni vukei au.+
13 Mera vakamadualaki qai vakarusaiO ira na saqati au tiko.+
Mera vakamadualaki qai sega ni dokaiO ira na via vakaleqai au.+
14 Ia o yau, au na wawa tiko ga,Au na kuria na nomuni vakacaucautaki.
15 Na gusuqu ena talanoataka na nomuni yalododonu,+Ena siga taucoko na nomuni cakacaka ni veivakabulai,Ke mani sivia mada ga vei au na kena iwiliwili.+
16 Au na lako mai qai tukuna nomuni cakacaka kaukaua,Kemuni na Turaga Cecere Duadua Jiova,Au na cavuta na nomuni yalododonu, na nomuni duadua ga.
17 Kemuni na Kalou, oni vakavulici au niu se itabagone,+Au se tukuna tiko ga qo na nomuni cakacaka veivakurabuitaki.+
18 Niu sa qase, au qai sikoa mai, kemuni na Kalou, ni kua ni laivi au.+
Meu tukuna mada ina itabatamata e tarava na nomuni kaukaua*Kei na nomuni qaqa vei ira kece na qai muri mai.+
19 Nomuni yalododonu, na Kalou, e cecere sara,+Oni cakava na veika lelevu,Kemuni na Kalou, o cei e vakataki kemuni?+
20 Oni vakavuna meu vakila na rarawa levu kei na leqa,+Ni vakabulabulataki au tale,Ni kauti au cake mai na tikina titobu* kei vuravura.+
21 Ni vakalevutaka na noqu kaukauaNi wavokiti au qai vakacegui au.
22 Au na qai vakacaucautaki kemuni ena ivakatagi vakawaEna vuku ni nomuni yalodina, kemuni na noqu Kalou.+
Au na lagata na sere ni veivakacaucautaki* vei kemuni ena api,O kemuni na Yalosavasava ni Isireli.
23 Na tebenigusuqu ena kaila ena marau niu sere ena vakacaucau vei kemuni,+Ni oni sa vakabulai au.+
24 Na yamequ ena cavuta* na nomuni yalododonu ena siga taucoko,+Nira na madua qai vakalolovirataki o ira na saga tiko meu vakarusai.+
iVakamacala e ra
^ Se “Ni cuva qai vakarorogo.”
^ Se “O kemuni au vakanuinui kina.”
^ Ipe., “na ligamuni.”
^ Se “na wai titobu.”
^ Se “Au na vakatagi vei kemuni.”
^ Se “ena vakasamataka vakatitobu.”
