Same 95:1-11
95 Lako mai, meda kaila ena marau vei Jiova!
Meda kaila ena qaqa vua na noda Uluvatu ni veivakabulai.+
2 Meda lako yani ena vakavinavinaka ina vanua e tiko* kina,+Meda lagasere qai kaila vua ena qaqa.
3 Ni o Jiova na Kalou cecere,E Tui cecere vei ira kece na vo ni kalou.+
4 E tiko e ligana na vanua titobu kei vuravura,E taukena o koya na veiulunivanua cecere.+
5 E taukena o koya na wasawasa e bulia,+Na ligana tale ga e bulia na vanua mamaca.+
6 Lako mai, meda sokalou qai cuva,Meda tekiduru e mata i Jiova na Dauveibuli.+
7 Ni noda Kalou o koya,Eda tamata tale ga ni nona veico,Na sipi e dau karona o koya.*+
Ke oni rogoca na domona nikua,+
8 Ni kua ni vakaukauataka na lomamuni me vaka mai Meripa,*+Me vaka ena siga ni Mesa* ena vanua talasiga,+
9 Nira vakatovolei au na tukamuni,+Era bolei au, nira raica mada ga na noqu cakacaka.+
10 E 40 na yabaki noqu cata matua na itabatamata oya, au qai tukuna:
“Era tamata dau lako sese e lomadra,Era sega ni kila na noqu sala.”
11 Au cudru qai bubuluitaka:
“Era na sega ni curu ina noqu ivakavakacegu.”+
iVakamacala e ra
^ Ipe., “e matana.”
^ Ipe., “karona ena ligana.”
^ Kena ibalebale “Veileti.”
^ Kena ibalebale “Veivakatovolei, iTuvaki Dredre.”
