Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

iVakamacala Taumada

Na iVolatabu e volai kina na itukutuku ni Kalou vei keda. E dodonu meda vulica meda kilai koya vinaka e vakavuna na kena volai. (Joni 17:3; 2 Timoci 3:16) Ena drauniveva yadua e vakatakila kina na Kalou o Jiova na nona inaki vua na kawatamata kei na nodra itikotiko e vuravura.​—Vakatekivu 3:15; Vakatakila 21:3, 4.

E sega tale ni dua na ivola e uqeta vakalevu na nodra bula na lewenivanua me vaka na iVolatabu. E uqeti keda meda vakasamataka na itovo i Jiova me vaka nona loloma, nona yalovinaka, kei na veinanumi. E vakanuideitaki keda qai uqeti keda meda vosota na veika dredre. E vakavotuya tiko ga na veika vakavuravura e sega ni salavata kei na inaki uasivi ni Kalou.​—Same 119:105; Iperiu 4:12; 1 Joni 2:15-17.

E volai taumada na iVolatabu ena vosa vakaIperiu, vakaArame, kei na vaKirisi qai vakadewataki taucoko se vakatikina ena rauta ni 2,600 na vosa. Qo na ivola e vakadewataki vakalevu duadua qai veisoliyaki. Meda kua gona ni kurabuitaka. E parofisaitaka na iVolatabu: “Ena vunautaki mada na itukutuku vinaka qo ni Matanitu ni Kalou [na usutu ni iVolatabu] ena veiyasa i vuravura me ivakadinadina ina veimatanitu kece, sa na qai yaco na icavacava.”—Maciu 24:14.

Ni rui bibi na itukutuku e tiko ena iVolatabu, keitou mani nakita me vakarautaki e dua na vakadewa e yavutaki ena kena vosa taumada, e matata, qai rawarawa na wilika. E vakamacalataki eso na iwalewale ni vakadewa e muri kei na so tale na ivakamacala me baleta na vakadewa qo ena ulutaga ni iKuri na “Yavu ni Vakadewa iVolatabu,” “iVakamacala ni Vakadewa Qo,” kei na “Mai tu Vakacava Vei Keda na iVolatabu.”

Era vinakata o ira na lomana na Kalou o Jiova ra qai sokaloutaki koya e dua na vakadewa donu ni iVolatabu qai matata. (1 Timoci 2:4) Oya na vuna e vakarautaki kina na vakadewa qo ena vosa vakaviti me salavata kei na neitou inaki me vakadewataki na Vakadewa ni Vuravura Vou ena levu tale na vosa. Keitou nuitaka, e neitou masu tale ga ni na yaga na vakadewa ni iVolatabu qo moni “vakasaqara na Kalou . . . qai kunei koya sara.”​—Cakacaka 17:27.

Komiti ni Vakadewa iVolatabu na Vuravura Vou

Julai 2014