Same 4:1-8
Vei koya na dairekita, me salavata na ivakatagi vakawa. Na sere i Tevita.
4 Ni rogoci au niu kaci yani, kemuni na noqu Kalou yalododonu.+
Ni vakarautaka na sala meu dro kina* niu lomaleqa.
Ni nanumi au, ni rogoca noqu masu.
2 Kemuni na luve ni tamata, ena vakacava na dede ni nomuni vukica na noqu vakarokorokotaki me veivakamaduataki?
Ena vakacava na dede ni nomuni taleitaka tiko na ka wale, kei na nomuni vaqara na ka lasu? (Sela)
3 Moni kila ni o Jiova ena mareqeti koya e yalodina vua,*Ena rogo mai o Jiova niu kaci yani vua.
4 Ni oni lomaleqa, kua ga ni valavala ca.+
Me tu lo ga e lomamuni na ka oni via tukuna ena nomuni imocemoce, moni galu ga. (Sela)
5 Cabora na isoro ni yalododonu,Qai nuitaki Jiova.+
6 E levu era kaya: “O cei ena vakaraitaka vei keimami na ka vinaka?”
Kemuni Jiova, ni vakacilava vei keimami na serau ni matamuni.+
7 Oni sa vakasinaita na lomaqu ena marau levuMai vei ira era tamusuka vakalevu na covuata kei na waini vou.
8 Au na davo qai moce ena vakacegu,+Niu sa mai tikovinaka,+ i Jiova, ena vukumuni duadua ga.
iVakamacala e ra
^ Ipe., “na vanua vakacirigalala.”
^ Se “ena dokai koya e yalodina vua, wasei koya e yalodina vua me nona.”
