Same 12:1-8
-
Tucake o Jiova me cakava e dua na ka
-
Savasava na vosa ni Kalou (6)
-
Vei koya na dairekita ena Seminica.* Na sere i Tevita.
12 I Jiova, ni vakabulai au ni sa oti na tamata yalodina,Sa yali o ira na vakabauta mai na kedra maliwa na tamata.
2 Era veilasutaki tiko ga,Era veicavilaki ena tebenigusudra* ra qai vosa ena lomadra* dau veivakaisini.+
3 O Jiova ena vakarusa na tebenigusu kece e dau veicavilaki,Kei na yame e tukutukuni koya vakalevu,+
4 O ira era kaya: “Keimami na qaqa ena yame i keimami.
Keimami vakayagataka na tebenigusu i keimami ena sala ga keimami vinakata,O cei ena neimami turaga?”+
5 “Nira sa vakacacani na vakaloloma,Nira vutugu na dravudravua,+Au na tucake mai meu cakava e dua na ka,” e kaya o Jiova.
“Au na vakabulai ira mai vei ira na dauveibeci.”
6 E savasava na vosa i Jiova,+E vaka na siliva e samaki ena lovo,* qai vakasavasavataki vakavitu.
7 Kemuni Jiova, oni na yadravi ira,+Oni na taqomaki ira yadudua mai na itabatamata qo me tawamudu.
8 Era lako voli na daucaka ca ena yasana keceNira bukana na ca na luve ni tamata.+
iVakamacala e ra
^ Raica na iVakamacala ni Vosa.
^ Ipe., “ena vosa ni mari.”
^ Ipe., “qai rua tu na lomadra.”
^ Se rawa ni, “ena matadravu qele e dau vakawaicalataki kina na kaukamea.”
