Same 44:1-26
Vei koya na dairekita.Na nodra same na luvei Kora.+ Masikili.*
44 Kemuni na Kalou, keimami rogoca ena daliga i keimami,Era talanoataka vei keimami na tukai keimami,+Na cakacaka oni vakayacora ena nodra gauna,Ena gauna makawa sara.
2 Oni vakasavi ira na veimatanitu e ligamuni+Oni qai biuti ira kina na tukai keimami.+
Oni vakavurumemeataka na veimatanitu qai vakatalai ira laivi.+
3 Nira sega ni taukena na vanua ena nodra iseleiwau,+E sega tale ga ni kauta mai na qaqa na ligadra.+
Ena ligamuni ga imatau kei na nomuni kaukaua+ kei na rarama ni matamuni,Ni oni taleitaki ira.+
4 Oni noqu Tui, kemuni na Kalou,+Vakarota* na qaqa taucoko* vei Jekope.
5 Ena nomuni kaukaua keimami na vakasavi ira lesu na keimami meca,+Ena yacamuni keimami na butuki ira sobu na duri mera saqati keimami.+
6 Niu sega ni vakararavi ena noqu dakaititi,Qai sega ni vakabulai au rawa na noqu iseleiwau.+
7 O kemuni oni vakabulai keimami vei ira na keimami meca,+Oni vakamadualaki ira na cati keimami.
8 Keimami na cabora vua na Kalou na veivakacaucautaki ena siga taucoko,Keimami na vakavinavinakataka tale ga na yacamuni me tawamudu. (Sela)
9 Ia qo oni sa biuti keimami laivi qai vakamadualaki keimami,Oni sega tale ga ni lako kei na neimami mataivalu.
10 Oni vakavuna tiko me keimami drovaki ira na keimami meca,+O ira na cati keimami era kauta na ka ga era vinakata.
11 Oni soli keimami me keimami tilomi vaka na sipi,Oni vakavuna me keimami talabusese ina veimatanitu.+
12 Oni volitaki ira na nomuni tamata ena isau lailai sara,+Oni sega ni rawatubu ena ka e volitaki.*
13 Oni vakavuna me keimami vosataki vei ira na tiko volekati keimami,Me keimami vakasewasewani qai vakalialiai vei ira kece na voliti keimami.
14 Oni vakavuna me keimami beci* ena kedra maliwa na veimatanitu,+Na ka mera kurea kina na uludra na tamata.
15 Au vakila tu ga na yalolailai ena siga taucoko,Au qai sega ni taqea rawa na noqu madua,
16 Ena vuku ni rorogo ni nodra veivakanini kei na veivakacacani,Ena vuku ni keimami meca e veisausaumitaka na ca.
17 Na ka kece qo sa yacovi keimami, ia keimami sega ni guilecavi kemuni,Keimami qai sega ni beca na nomuni veiyalayalati.+
18 Na loma i keimami e sega ni gole tani,Na neimami ilakolako e sega ni sese mai na nomuni sala.
19 Ia oni qaqiraki keimami ena vanua era tu kina na jakoli,Oni ubi keimami ena butobuto loaloa.
20 Ke keimami sa guilecava na yaca ni neimami KalouSe keimami dedeka na liga i keimami ena masu vua na kalou tani,
21 Vakacava ena sega ni raica qo na Kalou?
E kila o koya na ka vuni ni loma i keimami.+
22 Ena vukumuni keimami vakamatei kina ena veigauna kece,Keimami vaka na sipi e lai vakamatei.+
23 Ni duri mai. Na cava oni se moce tiko kina, i Jiova?+
Ni yadra! Kua ni biuti keimami laivi me tawamudu.+
24 Na cava oni vunia kina na matamuni?
Na cava oni guilecava kina neimami vakalolomataki kei na neimami vakasaurarataki?
25 Ni keimami sa biu sobu ina kuvuniqele,Na yago i keimami sa tara na qele.+
26 Ni duri mai moni vukei keimami!+
Ni vakabulai* keimami ena vuku ni dei ni nomuni loloma.+
iVakamacala e ra
^ Raica na iVakamacala ni Vosa.
^ Se “Solia.”
^ Se “na veivakabulai lagilagi.”
^ Se “ena kedra isau.”
^ Ipe., “vosa vakaibalebale.”
^ Ipe., “Ni volia lesu.”
