Same 11:1-7
Vei koya na dairekita.
Na same i Tevita.
11 Au sa vakaruru vei Jiova.+
Moni tukuna vakacava vei au:
“Dro me vaka na manumanuvuka ina nomuni ulunivanua!
2 Raica na nodra loveca na dakaititi na daucaka ca,Era vakarautaka na nodra gasau ena wa ni dakaititi,Me vanai ira mai na butobuto o ira e dodonu na lomadra.
3 Ni sa vakabalei sobu na yavu,Na cava me cakava rawa na yalododonu?”
4 E tiko o Jiova ena nona valenisoro tabu.+
E tiko mai lomalagi na idabedabe vakaturaga i Jiova.+
E rai tiko na matana, e yadra voli* na matana me vakadikeva na luve ni tamata.+
5 O Jiova e vakadikevi koya e yalododonu kei koya e daucaka ca+,E cati ira kece era taleitaka na itovo kaukaua.+
6 Ena vakatauca vei ira na daucaka ca na icori:*
Na bukawaqa, sulifure,+ kei na cagi katakata ena ivotavota ni nodra bilo.
7 Ni yalododonu+ o Jiova, e taleitaka na ivalavala dodonu.+
Era na raica na matana* na yalododonu.+
