Same 33:1-22
33 Ni kaila ena marau, o kemuni na yalododonu, ena vuku i Jiova.+
E veiganiti mera vakacaucautaki koya na yalododonu.
2 Vakavinavinaka vei Jiova ena api,Sere ena vakacaucau vua ena iyaya ni ivakatagi e wa tini.
3 Ni lagata vua na sere vou,+Qiria vakamaqosa na wa ni ivakatagi, salavata na kaila ni marau.
4 Ni dodonu na vosa i Jiova,+E nuitaki tale ga na ka kece e cakava.
5 E taleitaka o koya na ivalavala dodonu kei na lewadodonu.+
E vakasinaiti vuravura na dei ni loloma i Jiova.+
6 E buli na lomalagi ena vosa i Jiova,+Kei na ka kece* e tu kina ena icegu ni gusuna.
7 E kumuna mai na wai ni wasawasa me vaka na ilatiniwai,+E biuta na wai voravora ena vale ni maroroi iyau.
8 Me rerevaki Jiova o vuravura taucoko.+
Mera qoroi koya o ira na tawana na vanua bulabula.
9 Ni vosa o koya, e yaco sara,+E vakarota o koya, e tudei sara.+
10 Sa vakaseva o Jiova na nodra inaki* na veimatanitu,+E vakasesea na nodra lalawa* na veimatatamata.+
11 Ia na vakatulewa* i Jiova ena tu ga me tawamudu,+Na nanuma ni lomana ena tu ga mai na dua na itabatamata ina dua tale na itabatamata.
12 E marau na matanitu e nona Kalou o Jiova,+Na matatamata e digitaka o koya mera nona ivotavota.+
13 E rai sobu mai lomalagi o Jiova,E raici ira kece na luve ni tamata.+
14 Mai na nona itikotiko,E vakaraici ira matua na lewe i vuravura.
15 E bulia o koya na lomadra kece,E vakadikeva na nodra cakacaka kece.+
16 E sega ni vakabulai e dua na tui ena mataivalu levu,+E sega ni vakabulai na tamata qaqa ena nona kaukaua levu.+
17 E inuinui tawayaga ni veivakabulai* na ose,+E sega ni ivakadei ni veisereki na kena kaukaua levu.
18 Raica! Na mata i Jiova e vakaraici ira na rerevaki koya,+O ira na waraka tiko na dei ni nona loloma,
19 Me vueti ira mai na mateQai vakabulai ira tiko ena gauna ni dausiga.+
20 Eda sa namaki Jiova tiko.
E dauvukei keda qai noda isasabai.+
21 E marautaki koya vakalevu na lomada,Nida vakanuinui ina yacana tabu.+
22 Me tiko vei keimami na dei ni nomuni loloma, i Jiova,+Ni keimami waraki kemuni tiko.+
iVakamacala e ra
^ Ipe., “na kedra mataivalu kece.”
^ Se “ivakasala.”
^ Se “nanuma.”
^ Se “ivakasala.”
^ Se “ni qaqa.”
