Same 45:1-17
Vei koya na dairekita, vakarautaki ina “Veilili.” Nodra same na luvei Kora.+ Masikili.* Na sere ni loloma.
45 E uqeta na lomaqu e dua na ka vinaka.
Au kaya: “Na noqu sere e* baleta e dua na tui.”+
Na yamequ me nona peni+ na vunivola maqosa.*+
2 Oni rairai vinaka duadua vei ira na luve ni tamata.
E drodro mai tebenigusumuni na vosavakayalovinaka.+
Oya na vuna e vakalougatataki kemuni kina na Kalou me tawamudu.+
3 Vauca e yasamuni na nomuni iseleiwau,+ o kemuni na qaqa,+Ena nomuni cecere kei na kemuni lagilagi.+
4 Ena kemuni lagilagi, ni lako yani moni qaqa,*+Vodo moni valataka na ka dina, na yalomalumalumu, kei na yalododonu,+Ena qai vakayacora* na veika vakatubuqoroqoro na ligamuni imatau.
5 E gata na nomuni gasau, era bale kina na veimatatamata e matamuni,+E coba ina utodra na meca ni tui.+
6 Na Kalou e nomuni idabedabe vakaturaga me tawamudu, io me tawamudu,+Na ititoko ni nomuni matanitu e ititoko ni yalododonu.*+
7 Oni taleitaka na ivalavala dodonu,+ qai cata na ka ca.+
Oya na vuna e lumuti kemuni+ kina vakalevu ena waiwai ni marau+ na Kalou, na nomuni Kalou, vakalailai vei ira na nomuni itokani.
8 E vakaboivinakataki na nomuni isulu kece ena mura, na kau na elou* kei na kasia,E vakamarautaki kemuni vakalevu na ivakatagi vakawa mai na vale tabua levu ni tui.
9 Na luvedra yalewa na tui era maliwai ira na nomuni marama rokovi.
Na itokani ni tui* e sa tu ena ligamuni imatau, e vakaiukuuku ena koula kei Oferi.+
10 Vakarorogo, luvequ yalewa, vakatudaliga, vakala mai na daligamu,Guilecavi ira na nomu tamata kei na vale i tamamu.
11 Na tui tale ga ena diva na kemu totoka,Ni nomu turaga o koya,Mo cuva gona vua.
12 Na luvei Taia yalewa ena lako mai kei na dua na iloloma,O ira na tamata vutuniyau duadua era na qara na nomu veivakadonui.*
13 E lagilagi dina na luvena yalewa na tui e loma ni valenitui.*
Na nona isulu e ukutaki ena* koula.
14 Ena kau mai o koya vua na tui ena isulu e tali sara vakamaqosa.*
Era sa kau mai e matamuni na itokani goneyalewa era muri koya tiko.
15 Era na kau mai ena marau levu kei na reki,Era na curu ina valenitui.
16 O ira na luvemuni tagane era na sosomitaki ira na tukamuni,Oni na lesi ira mera turaga e vuravura taucoko.+
17 Au na vakavuna me kilai na yacamuni ena itabatamata kece ena muri mai.+
Oya na vuna era na vakacaucautaki kemuni kina na veimatatamata me tawamudu, io me tawamudu.
iVakamacala e ra
^ Raica na iVakamacala ni Vosa.
^ Ipe., “Na noqu cakacaka e.”
^ Se “ni vunivola.”
^ Se “rawaka.”
^ Ipe., “qai vakavulici kemuni.”
^ Se “lewadodonu.”
^ Dua na vunikau boi kamica se boi sareguregu dau vakayagataki me sede ena gauna vakaivolatabu.
^ Se “Na ranadi.”
^ Se “na vakamalumutaka na matamuni.”
^ Ipe., “e loma.”
^ Ipe., “idabedabe ni.”
^ Se “isulu balavu e tali kina vakavinaka na iukuuku.”
