Same 106:1-48
106 Ni vakacaucautaki Ja!*
Vakavinavinaka vei Jiova, ni vinaka o koya,+Ni tawamudu na dei ni nona loloma.+
2 O cei ena rawa ni tukuna taucoko na cakacaka vakaitamera i JiovaSe kacivaka na nona cakacaka vakatubuqoroqoro kece?+
3 Era marau o ira na lewadodonu ena nodra cakacaka,Era cakava tu ga na ka e dodonu.+
4 Ni nanumi au, i Jiova, ni oni vakaraitaka na loloma* vei ira na nomuni tamata.+
Ni karoni au ena nomuni cakacaka ni veivakabulai,
5 Meu marautaka nomuni yalovinaka vei ira na nomuni digitaki,+Meu marau vakalevu kina kei na nomuni matanitu,
Meu vakacaucautaki* kemuni kei na nomuni ivotavota.
6 Keimami sa valavala ca me vakataki ira ga na tukai keimami,+Keimami sa cala, keimami sa cakava na ka ca.+
7 Era sega ni doka* na tukai keimami na nomuni cakacaka veivakurabuitaki mai Ijipita.
Era sega ni nanuma na levu ni dei ni nomuni loloma,Ia era talaidredre e wasawasa, ena Wasa Damudamu.+
8 E vakabulai ira ga ena vuku ni yacana,+Me vakatakilai kina na nona kaukaua levu.+
9 E vunauca na Wasa Damudamu qai mamaca mai,E liutaki ira ena wai titobu me vaka ga ena vanua dravuisiga,*+
10 E vakabulai ira mai na ligadra na kedra meca+Qai sereki ira mai na liga ni meca.+
11 E ubi ira na kedra meca na wai,E sega ni dua vei ira e bula.*+
12 Era sa qai vakabauta na nona vosa ni yalayala,+Era vakacaucautaki koya sara ena sere.+
13 E totolo ga na nodra guilecava na ka e cakava o koya,+Era sega ni waraka na nona ivakasala.
14 E rawai ira na kocokoco ni lomadra ena vanua talasiga,+Era vakatovolea na Kalou ena vanua dravuisiga.+
15 E solia vei ira o koya na ka era kerea,Ia e kuitataki ira ena tauvimate, era mani malumalumu.+
16 Era vuvutaki Mosese ena kebaKei Eroni,+ na yalosavasava i Jiova.+
17 E qai tadola na vuravura me tilomi TecaniE ubi ira tale ga na soqoni tu kei Epairami.+
18 E waqa ena maliwa ni nodra ilawalawa na bukawaqa,E kani ira na daucaka ca na yameyame.+
19 Era bulia mai Orepi e dua na luvenibulumakauRa qai cuva ina matakau kaukamea,*+
20 Era sosomitaka na kequ lagilagiEna ivakatakarakara ni dua na bulumakau tagane daukana co.+
21 Era guilecava na Kalou+ na nodra iVakabula,O koya e cakava na veika lelevu e Ijipita,+
22 Na cakacaka veivakurabuitaki ena vanua o Ame,+Na cakacaka vakatubuqoroqoro ena Wasa Damudamu.+
23 Sa voleka sara ni vakarota o koya mera vakawabokotaki,Ia e tarovi koya* o Mosese na nona digitakiMe vagolea tani na nona cudru dauveivakarusai.+
24 Era qai beca na vanua taleitaki,+Era sega ni vakabauta na nona vosa ni yalayala.+
25 Era vosavosa tiko ga ena nodra valelaca,+Era sega ni vakarorogo ina domo i Jiova.+
26 E qai laveta cake na ligana o koya me bubului ena vukudraMe vakabalei ira ena vanua talasiga,+
27 Ena vakabalei ira na nodra kawa ena kedra maliwa na veimatanitu,Ena vakavuna tale ga o koya mera talabusese ina veivanua.+
28 Ra qai veitomani ena sokalou vei* Peali ni Piori,+Era kania tale ga na isoro e cabori vei ira na mate.*
29 Era vakacudrui koya ena ka era cakava,+Qai tau vakasauri vei ira na kuita.+
30 Ia ni tucake o Finiasi qai tataro,E mudu na kuita.+
31 Qai okati o koya me yalododonuEna itabatamata kece me tawamudu.+
32 Era vakacudrui koya ena wai mai Meripa,*E qai lako vakaca vei Mosese na ka era cakava.+
33 Era vakararawataka na yalona,Qai vosa cala o koya ena tebenigusuna.+
34 Era sega ni vakawabokotaki ira na veimatatamata,+Me vaka ga e vakaroti ira kina o Jiova.+
35 Ia era veimaliwai kei ira na veimatanitu+Qai muria* na nodra ivalavala.+
36 Era qarava tiko ga na nodra matakau,+Ra qai tacori tale kina.+
37 Era cabora na luvedra taganeKei na luvedra yalewa vei ira na timoni.+
38 Era vakadavea tiko ga na dra e sega ni cala,+Na nodra dra na luvedra tagane kei luvedra yalewaEra cabora vei ira na matakau ni Kenani,+E mani dukadukali na vanua ena vakadavedra.
39 Era sega ni savasava ena vuku ni nodra cakacaka,Era saqamua vakayalo ena nodra ivalavala.+
40 E waqa na cudru i Jiova vei ira na nona tamata,Qai sevaka kina na nona ivotavota.
41 E vuki soli ira yani ina veimatanitu,+Mera liutaki vei ira na kedra meca.+
42 E vakasaurarataki ira na kedra meca,Ra qai vakamalumalumutaki ena nodra kaukaua.*
43 E vakabulai ira o koya ena levu na gauna,+Ia era dau veivorati qai talaidredre,+Era qai vakalolovirataki ena vuku ni nodra cala.+
44 Ia e dau raica o koya na nodra leqa+Qai rogoca nodra tagi ni kere veivuke.+
45 E dau nanuma na nona veiyalayalati ena vukudra,Qai lomani ira,* ni uqeti koya na levu* ni nona loloma e dei.+
46 E dau vakavuna mera lomaniVei ira kece na tauri ira vakavesu.+
47 Ni vakabulai keimami, i Jiova na neimami Kalou,+Qai kumuni keimami mai na veimatanitu,+Me rawa ni keimami vakavinavinaka ina yacamuni tabuQai reki ni vakacaucautaki kemuni.*+
48 Me vakacaucautaki o Jiova, na Kalou ni IsireliEna gauna kece ga me tawamudu.*+
Mera qai kaya kece na lewenivanua, “Emeni!”*
Vakacaucau vei Ja!*
iVakamacala e ra
^ Se “Aleluya!” Na “Ja” na ivakaleka ni yaca Jiova.
^ Se “yalovinaka.”
^ Se “Meu sakitaki.”
^ Se “ni kila.”
^ Se “vanua talasiga.”
^ Se “me vo tu.”
^ Se “matakau e caka mai na kaukamea waicala.”
^ Ipe., “Ia e duri e matana ena vukudra.”
^ Se “qai semai ira yani.”
^ Oya na isoro e cabori vei ira na tamata mate se vei ira na kalou mate.
^ Kena ibalebale “Veileti.”
^ Se “vulica.”
^ Ipe., “ena ligadra.”
^ Se “Qai veivutuni.”
^ Se “na vuabale.”
^ Se “reki ena nomuni vakacaucautaki.”
^ Se “Mai na gauna tawamudu ina gauna tawamudu.”
^ Se “Me yaco mada ga.”
^ Se “Aleluya!” Na “Ja” na ivakaleka ni yaca Jiova.
