Same 78:1-72
Na Masikili* nei Esafa.+
78 Ni vakarorogo na noqu tamata ina noqu lawa,*Vakala na daligamuni ina vosa ni gusuqu.
2 Au na dolava na gusuqu ena vosa vakaibalebale.
Au na tukuna eso na vatavatairalago makawa sara.+
3 Na veika eda sa rogoca qai kila,Na veika era talanoataka vei keda na tamada,+
4 Eda na sega ni vunia vei ira na luvedra,Eda na tukuna ina itabatamata ena muri mai+Na cakacaka vakasakiti i Jiova kei na nona kaukaua,+Na veika veivakurabuitaki sa cakava o koya.+
5 Sa vakataudeitaka o koya na veivakadreti vei JekopeQai vakarautaka na lawa vei Isireli,E vakarota o koya vei ira na tukadaMera vakatakila na veika qo vei ira na luvedra,+
6 Me rawa vei ira na itabatamata e tarava,O ira na gone era se bera ni sucu, mera kila.+
Era na qai talanoataka vei ira na luvedra.+
7 Era na qai vakanuinui vua na Kalou o ira qo.
Era na sega ni guilecava na cakacaka ni Kalou+Ia era na muria na nona ivakaro.+
8 Era na sega ni vakataki ira kina na tukadra,Na itabatamata yalokaukaua qai talaidredre,+Na itabatamata e sega ni dei*+ na lomadraEra sega tale ga ni dina vua na Kalou.
9 O ira na Ifireimi era vakaiyaragi ena dakaititi,Ia era suka tale ena siga ni valu.
10 Era sega ni dei ena veiyalayalati ni Kalou+Era bese tale ga ni muria na nona lawa.+
11 Era guilecava tale ga na ka sa cakava o koya,+Nona cakacaka veivakurabuitaki a vakaraitaka vei ira o koya.+
12 E cakava na veika totoka e matadra na tukadra,+Ena vanua o Ijipita, na yasayasa kei Soani.+
13 E tawasea na wasawasa me rawa nira takoso,Qai cakava me duri tu na wai vaka na ilatiniwai.*+
14 E liutaki ira o koya ena o ena sigaEna rarama tale ga ni bukawaqa ena bogi taucoko.+
15 E vakaca na veivatu ena vanua talasiga,E vagunuvi ira mera sinai me vaka mai na wai titobu.+
16 E vakadrodroya na wai mai na vatuE vakavuna tale ga me drodro sobu na wai me vaka na veiuciwai.+
17 Ia era valavala ca tiko ga vuaNira talaidredre ena vanua dravuisiga vei koya e Cecere Duadua,+
18 Era vorata* na Kalou e lomadra+Nira cikeva ga na kakana era kusimataka.
19 Era mani vosavakacacataka na Kalou,Era kaya: “Vakacava, e rawa ni vakarautaka na Kalou na teveli ena vanua talasiga?”+
20 Raica! E samuta o koya na vatuMe drodro mai na wai qai dave na uciwai+“Vakacava e rawa ni solia tale ga vei keda na madrai,Se rawa vua me vakarautaka na lewe ni manumanu vei ira na nona tamata?”+
21 Ni rogoci ira o Jiova, e cudru sara ga,+E waqa yani vei Jekope na bukawaqa,+Qai waqa cake vei Isireli na nona cudru+
22 Nira sega ni vakabauta na Kalou,+Era sega ni nuitaka ni na rawa ni vakabulai ira o koya.
23 E mani vakarota o koya na o e macawa,Qai dolava na katuba kei lomalagi.
24 E vakatauca sobu tiko ga vei ira na mana mera kania,E solia vei ira na covuata ni lomalagi.+
25 Era kania na madrai ni qaqa* na tamata,+E veirauti na ka e vakarautaka o koya mera mamau kina.+
26 E yavalata mai lomalagi na cagi tokalauQai vakavuna me liwa na ceva ena nona kaukaua.+
27 E qai vakatauca sobu vei ira na lewe ni manumanu me vaka na kuvuniqele,Na manumanuvuka me vaka na nuku mai matasawa.
28 E vakavuna o koya mera lutu ena loma ni nona keba,Me wavokita kece na nona valelaca.
29 Era mani kana ra qai kana vakasivia,E solia vei ira o koya na ka era garova.+
30 Ia ni bera nira mamau vinaka ena nodra kusima,Ni se tu ga e gusudra na kedra kakana,
31 E waqa vei ira na cudru ni Kalou.+
E vakamatea na nodra tamata kaukaua duadua,+E vakabalea sobu o koya na cauravou kei Isireli.
32 Ia era valavala ca tale vakalevu+Qai sega ni vakabauta nona cakacaka veivakurabuitaki.+
33 E mani vakacavara na nodra siga me vaka wale na icegu,+Kei na nodra yabaki ena veika vakadomobula e yaco vakasauri.
34 Ia era na vakasaqarai koya me vaka ga na levu ni nona vakamatei ira,+Era na lesu mai ra qai vakasaqara na Kalou,
35 Era nanuma ni nodra Uluvatu+ na KalouNi nodra iVakabula*+ tale ga na Kalou Cecere Duadua.
36 Ia era saga mera lawakitaki koya ena gusudraQai lasutaki koya na yamedra.
37 E sega ni dei vua na lomadra,+Ra qai sega ni yalodina ina nona veiyalayalati.+
38 Ia e dauyalololoma+ ga o koya,E dau vosota* na nodra cala qai sega ni vaqeavutaki ira.+
E dau tarova tale ga na nona cudru+Mai na nona ceburaka taucoko na nona cudru.
39 Ni dau nanuma o koya nira lewe wale ga,+Na cagi e liwa yani qai sega ni lesu mai.
40 Sa wasoma nodra vorati koya ena vanua talasiga+Qai vakararawataki koya ena vanua dravuisiga!+
41 Era vuki vakatovolea+ na Kalou,Qai vakararawataka na Yalosavasava ni Isireli.
42 Era sega ni nanuma na nona kaukaua,*Na siga a vakabulai* ira kina mai vua na meca,+
43 Na nona vakaraitaka na nona ivakatakilakila mai Ijipita+Kei na nona cakamana ena yasayasa o Soani,
44 Na nona vukica tale ga na ikelimusu ni Naile me dra+Mera kua ni gunu rawa ena kena uciwai.
45 E tala yani o koya na qelenilago dau gunu dra me tilomi ira+Kei na boto me vaqeavutaki ira.+
46 E solia na nodra itei vei ira na vodre kocokoco,Na vua ni nodra cakacaka ina qelenivodre.+
47 E vakacacana o koya na nodra vunivaini ena ucaqereqere+Kei na nodra vunilolo ena ucaqereqere.
48 E solia o koya na nodra manumanu dau cakacaka ina ucaqereqere+Kei na nodra qelenimanumanu ina yaseyase.*
49 E vakatauca vei ira o koya na nona cudru waqawaqa,Na cudru katakata, na cudru kei na rarawa,Na ilawalawa agilosi era kauta mai na leqa.
50 E caramaka o koya e dua na sala ni nona cudru.
E sega ni vakabulai ira mai na mate,Qai soli ira* yani ina matedewa.
51 E mani vakamatei ira kece na ulumatua ni Ijipita,+Na itekitekivu ni nodra kaukaua ni vakatubukawa ena valelaca kece i Ame.
52 E qai kauti ira mai na nona tamata vaka e dua na qelenisipi+Qai dusimaki ira vaka na qelenimanumanu ina vanua talasiga.
53 E tuberi ira ni taqomaki ira vinaka,Ra qai sega ni vakila na rere,+Na wasawasa sa ubi ira na kedra meca.+
54 E qai kauti ira mai o koya ina nona yasana tabu,+Qo na veiulunivanua e rawata ena ligana imatau.+
55 E vakatalai ira tani na veimatanitu mai matadra,+E vota vei ira na ivotavota ena wa ivakarau,+E biuti ira na yavusa kei Isireli ena nodra vale.+
56 Ia era vorata* tiko ga na Kalou Cecere Duadua, qai talaidredre vua,+Era sega ni vakatudaliga ina nona veivakadreti.+
57 Era gole tani, ra qai veivakaisini vakataki ira na tukadra.+
Era sega sara ni nuitaki rawa me vaka na dakaititi e luluqa na kena wa.+
58 Era vakacudrui koya tiko ga ena nodra vanua cecere,+Ra qai vakavuna me cudru vakalevu* ena nodra ivakatakarakara ceuti.+
59 E rogoca na Kalou qai cudru vakalevu,+E cati Isireli sara ga.
60 E tini biuta o koya na valeniveitavaki mai Sailo,+Na valelaca e dau tiko kina ena kedra maliwa na tamata.+
61 E laiva na ivakatakilakila ni nona kaukaua me vakabobulataki,Na kena totoka ina ligana na meca.+
62 E soli ira na nona tamata o koya ina iseleiwau+Qai cudruva vakalevu na nona ivotavota.
63 E kani ira na nona cauravou na bukawaqa,Qai sega ni lagati na sere ni vakamau vei ira na nona goneyalewa.*
64 Era bale ena iseleiwau na nona bete,+Qai sega ni tagi na nodra yada.+
65 E qai yadra mai o Jiova me vaka ga mai na moce,+Vaka na tagane qaqa+ e yadra mai ena gunu waini.
66 E qai cemuria lesu o koya na kena meca,+E vakavuna mera vakamadualaki tiko ga.
67 E cata o koya na valelaca i Josefa,E sega ni digitaka na yavusa i Ifireimi.
68 Ia e digitaka o koya na yavusa i Juta,+Na Ulu i Saioni, e dau taleitaka.+
69 E cakava nona tikina tabu me tu ga me vaka na lomalagi,*+Vaka na vuravura e sa vakataudeitaka tu me tawamudu.+
70 E digitaki Tevita+ nona dauveiqaraviQai kauti koya mai na bainisipi,+
71 Mai na nona qarava voli na tinanisipi era vakasucu,E lesi koya me ivakatawa vei Jekope, na nona tamata,+Vei Isireli tale ga, na nona ivotavota.+
72 E vakatawai ira ena yalodina,+E tuberi ira tale ga na ligana maqosa.+
iVakamacala e ra
^ Raica na iVakamacala ni Vosa.
^ Se “noqu ivakavuvuli.”
^ Ipe., “sega ni vakarautaki.”
^ Se “lalaga.”
^ Ipe., “vakatovolea.”
^ Se “agilosi.”
^ Se “Dauveisausaumi.”
^ Ipe., “ubia.”
^ Ipe., “na ligana.”
^ Ipe., “volia lesu.”
^ Se rawa ni, “katakata.”
^ Ipe., “nodra bula.”
^ Ipe., “vakatovolea.”
^ Se “me vuvu.”
^ Ipe., “Qai sega ni vakacaucautaki na nona goneyalewa.”
^ Ipe., “E tara nona tikina tabu me vaka na vanua cecere.”
