Same 84:1-12
Vua na dairekita, mai Kitica.* Na nodra same na luvei Kora.+ Na sere.
84 E totoka* dina na nomuni valeniveitavaki lagilagi,+Kemuni Jiova ni lewe vuqa!*
2 Na yagoqu taucoko sa guta,Io, au kolaiciba niu diva voli,Na lomanibai i Jiova.+
Na lomaqu kei na lewequ e kaila ena marau vua na Kalou bula.
3 Na manumanuvuka mada ga e kunea e kea na nona valeKei na kakabace na nona sova,Na vanua me susuga kina na luvenaVolekata na nomuni icabocabonisoro levu, i Jiova ni lewe vuqa,*Na noqu Tui kei na noqu Kalou!
4 Era marau o ira na vakaitikotiko ena nomuni vale!+
Era vakacaucautaki kemuni tiko ga.+ (Sela)
5 Era marau na vakaukauataki vei kemuni,+E vakarau tu na lomadra mera muria na nomuni sala.
6 Nira lakosivita na Buca ni Beaka,*Era cakava sara me vanua ni waivure,Qai vakalougatataki ena uca taumada.
7 Era na kaukaua tiko nira lako voli,+Era rairai yadua ena mata ni Kalou mai Saioni.
8 Kemuni Jiova na Kalou ni lewe vuqa,* ni rogoca na noqu masu,Ni vakarorogo, kemuni na Kalou i Jekope. (Sela)
9 Raica, na noda isasabai+ kei na noda Kalou,*Ni raica na matana na nomuni lumuti.+
10 E vinaka cake e dua na siga ena nomuni lomanibai mai na duanaudolu ena dua tale na vanua!+
Au digia meu duri tu ena ilago ni vale ni noqu KalouMeu kua ga ni vakaitikotiko ena nodra valelaca na daucaka ca.
11 Ni o Jiova na Kalou e matanisiga+ kei na isasabai,+E solia na veivakadonui kei na veivakalagilagi.
O Jiova ena sega ni bureitaka e dua na ka vinakaVei ira na lako tiko ena yalodina.+
12 I Jiova na Kalou ni lewe vuqa,*E marau na tamata e nuitaki kemuni.+
