Same 140:1-13
Vei koya na dairekita. Na sere i Tevita.
140 Kemuni Jiova, ni vakabulai au vei ira na tamata ca,Taqomaki au vei ira na tamata ivalavala kaukaua,+
2 O ira na lalawataka na ka ca e lomadra+Ra qai uqeta tiko na veivala ena siga taucoko.
3 Era vagatara na yamedra vaka na gata,+E tu ena daku ni tebenigusudra na weli gaga ni gata.+ (Sela)
4 Maroroi au, i Jiova, mai na ligadra na daucaka ca,+Taqomaki au vei ira na tamata ivalavala kaukaua,O ira na lalawataka mera vakatarabetaki au.
5 Era vunia na kequ dai na qaciqacia,Era tevuka na lawa kei na kena dali ena bati ni sala.+
Era vakarautaka na kequ icori.+ (Sela)
6 Au kaya vei Jiova: “O kemuni na noqu Kalou.
Kemuni Jiova, ni rogoca noqu vakamamasu ni kere veivuke.”+
7 Kemuni Jiova na Turaga Cecere, na noqu iVakabula kaukaua,Oni vakaruruga na uluqu ena siga ni ivalu.+
8 Kemuni Jiova, kua ni solia na ka era vinakata na daucaka ca.
Me kua ni yaco na nodra bukivere, mera kua kina ni vakacerecerei.+ (Sela)
9 Me ubia na uludra na wavokiti auNa ca e vosataka na tebenigusudra.+
10 Me tau vei ira na qilaiso waqa.+
Mera kolotaki ina bukawaqa,Ina qara titobu,*+ mera kua vakadua ni duri tale.
11 Me kua ni kunea e dua na tikina* e vuravura na dauvakaucaca.+
Me cemuria qai mokuta na tamata ivalavala kaukaua na ka ca.
12 Au kila ni na totaki ira na vakaloloma o JiovaQai tauca na lewadodonu vei ira na dravudravua.+
13 Era na vakacaucautaka dina na yacamuni na yalododonu,Era na vakaitikotiko e matamuni na daucaka dodonu.+
