Same 147:1-20
147 Ni vakacaucautaki Ja!*
E vinaka meda sere ena vakacaucau vua na noda Kalou,E ka marautaki qai veiganiti me vakacaucautaki o koya!+
2 E tarai Jerusalemi tiko o Jiova,+E kumuni ira vata mai na Isireli era veituyaki tu.+
3 E vakabulai ira na ramusu na lomadra,E vauca na nodra mavoa.
4 E wilika o koya na levu ni kalokalo,E kacivi ira kece ena yacadra.+
5 E cecere qai uasivi ena kaukaua na noda Turaga,+Na nona kila e sega ni katumi rawa.+
6 E vakaduria cake na yalomalua o Jiova,+Ia e bitalaka na daucaka ca ina qele.
7 Ni sere vei Jiova ena vakavinavinaka,Sere ena vakacaucau vua na noda Kalou, me salavata na api,
8 E ubia o koya na lomalagi ena o,E vakarautaka na uca e vuravura,+E vakatubura na co+ ena veiulunivanua.
9 E solia na kakana vei ira na manumanu,+Vei ira na reveni gone nira tagica.+
10 E sega ni marautaka o koya na kaukaua ni ose,+Se vakadrukai koya na kaukaua ni yava ni tamata.+
11 E dau marautaki ira na rerevaki koya o Jiova,+O ira na waraka tiko na nona loloma e dei.+
12 Vakalagilagi Jiova, i Jerusalemi.
Vakacaucautaka na nomu Kalou, i Saioni.
13 E vakaukauataka o koya na ivakadei ni nomu matamatanikoro,E vakalougatataka na luvemu era tu vei iko.
14 E kauta mai o koya na vakacegu ina nomu yasana,+E vakamamautaki iko ena witi vinaka duadua.*+
15 E tala o koya na nona ivakaro e vuravura,E cici vakatotolo na nona vosa.
16 E tala o koya na ucacevata me vaka na vutinisipi,+E ceburaka na tegu cevata me vaka na dravusa.+
17 E viritaka sobu o koya na nona ucaqereqere* me vaka na tikitiki ni madrai.+
O cei ena vosota rawa na nona liliwa?+
18 E tala yani o koya na nona vosa ra qai waicala.
E vakaliwava na nona cagi,+ qai drodro na wai.
19 E tukuna o koya na nona vosa vei Jekope,Na nona lawa kei na lewa vei Isireli.+
20 E sega ni cakava qori ina dua tale na matanitu,+Era sega ni kila e dua na ka me baleta nona lewa.
Vakacaucautaki Ja!*+
iVakamacala e ra
^ Se “Aleluya!” Na “Ja” na ivakaleka ni yaca Jiova.
^ Ipe., “na uro ni.”
^ Se “waicevata.”
^ Se “Aleluya!” Na “Ja” na ivakaleka ni yaca Jiova.
