Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 TARO 18

O na Toro Voleka Vakacava Vua na Kalou?

“Kemuni na Daurogo masu, era na lako mai vei kemuni na tamata kece.”

Same 65:2

“Mo nuitaki Jiova ena lomamu taucoko, mo kua ni vakararavi ena nomu yalomatua. Mo nanumi koya ena ka kece o cakava, ena vakadodonutaka na nomu ilakolako o koya.”

Vosa Vakaibalebale 3:5, 6

“Ena rawata na bula tawamudu, o koya e vulica tiko ga na veika me baleti kemuni na Kalou dina duadua ga, kei Jisu Karisito oni tala mai.”

Joni 17:3

“Ni sega ni yawa [na Kalou] vei keda yadua.”

Cakacaka 17:27

“Au dau masulaka me tubu vakalevu na nomuni loloma, salavata kei na kilai ni veika dina, kei na nomuni kila vinaka na loma ni Kalou.”

Filipai 1:9

 “Ke dua vei kemuni e lailai vua na vuku, me kerea tiko ga vua na Kalou, ni na soli vua. Ni lomasavu o koya vei keda kece, e sega ni dau vaqara cala.”

Jemesa 1:5

“Toro voleka vua na Kalou ena qai toro voleka mai vei kemuni o koya. Savata na ligamuni o kemuni na ivalavala ca, vakasavasavataka na lomamuni o kemuni na lomalomarua.”

Jemesa 4:8

“Qo na ibalebale ni noda lomana na Kalou, meda muria na nona ivunau, ia e sega ni icolacola bibi na nona ivunau.”

1 Joni 5:3