Same 109:1-31
Vei koya na dairekita. Na same i Tevita. Na sere.
109 Kemuni na Kalou au dau vakacaucautaka,+ ni kua ni galu tiko.
2 Nira dolava na gusudra mera saqati au na daucaka ca kei na dau veidabui,Era veitalanoataki au ena yame daulasu.+
3 Era wavoliti au ena vosa ni veicati,Qai sega na vuna mera vorati au kina.+
4 Era vorati au me isau ni noqu loloma,+Ia au masu tiko ga.
5 Era sauma lesu noqu vinaka ena ca+Kei na noqu loloma ena veicati.+
6 Ni lesia e dua na daucaka ca me lewai koya,Me tu e ligana imatau e dua na dauveivorati.*
7 Ni lewai o koya, me laurai mada ga ni cala,*Me wiliki mada ga me ivalavala ca na nona masu.+
8 Me vica wale ga na nona siga,+Me dua tale e taura na nona itavi vakaivakatawa.+
9 Mera kua ni vakatamani na luvena,*Me yada tale ga na watina.
10 Mera dau kerekere na luvena,*Mera vaqara kedra mai na nodra vale sa vakacacani tu.
11 Me vesuka* na ka kece e tu vua o koya e soli dinau,Mera butakoca tale ga na vulagi na ka e taukena.
12 Me kua ni dua me yalololoma* vua,Me kua tale ga ni dua me lomani ira na luvena era sega ni vakatamani.
13 Mera kawaboko na nona kawa,+Me bokoci laivi na yacadra ena dua na itabatamata.
14 Me nanuma o Jiova na nodra cala na nona qase,+Me qai kua ni boko na ivalavala ca i tinana.
15 Me vakasamataka tiko mada ga o Jiova na ka era sa cakava,Me qai muduka laivi na kedra ivakananumi mai vuravura.+
16 Ni sa sega ni nanuma o koya me yalololoma,*+Ia e cemuri koya tiko ga e vakasaurarataki,+ e dravudravua, qai ramusu na lomanaMe vakamatea sara.+
17 E dau taleitaka o koya me cavuta na vosa ni veicudruvi, qori gona na ka e yacovi koya,E sega ni via tukuna na vosa ni veivakalougatataki, e sega kina ni vakalougatataki.
18 Sa vakaisulu ena vosa ni veicudruvi me vaka e nona isulu.
Era qai liviraki ina yagona me vaka na wai,Ina suina me vaka na waiwai.
19 Na nona vosa ni veicudruvi me vaka mada ga na isulu e dau ologi koya kina+Me vaka tale ga na beleti e dau dara.
20 Qo na ka e sauma o Jiova vei koya e dau vorati au+Vei ira tale ga na dau vosavakacacataki au.
21 Ia o kemuni, Jiova na Turaga Cecere Duadua,Ni yavala ena vukuqu, ena vuku ni yacamuni.+
Vakabulai au, ni sa vinaka qai dei na nomuni loloma.+
22 Niu vakaloloma qai dravudravua,+Sa laucoka e lomaqu na utoqu.+
23 Au sa takali tiko yani me vaka na iyaloyalo e seavu tiko,Au sa kureitaki laivi me vaka na vodre.
24 Na duruqu sa malumalumu mai ena daulolo,Na yagoqu sa lila, sa yavu tiko yani.*
25 Era sa vakanini au.+
Nira raici au, era kurea na uludra.+
26 Ni vukei au, i Jiova na noqu Kalou,Vakabulai au ena vuku ni dei ni nomuni loloma.
27 Mera kila mada ga ni ligamuni ga qo,Ni o kemuni ga, i Jiova, oni sa cakava.
28 Mera cavuta na vosa ni veicudruvi, moni solia ga na veivakalougatataki.
Nira duri cake mera saqati au, mera vakamadualaki mada ga,Me marau ga vakalevu na nomuni dauveiqaravi.
29 Mera vakaisulu ena madua o ira na vorati au,Mera ologi ena nodra madua me vaka nodra ologi ena isulu balavu.*+
30 Na gusuqu ena gumatuataka na vakacaucautaki Jiova,Au na vakacaucau vua e matadra e levu na tamata.+
31 Ni na duri ena ligana imatau na dravudravuaMe vakabulai koya vei ira na dauveivakalewai.
iVakamacala e ra
^ Se “dauveibeitaki.”
^ Se “ca.”
^ Ipe., “luvena tagane.”
^ Ipe., “luvena tagane.”
^ Se “Mera biuta na baca o ira na dausoli dinau.”
^ Se “e dei nona loloma.”
^ Se “dei nona loloma.”
^ Ipe., “Na lewequ sa mamare, sa sega na uro (waiwai).”
^ Se “isulu balavu tabaleka.”
