Same 96:1-13

  • “Lagata vei Jiova na sere vou”

    • Ganiti Jiova me vakacaucautaki (4)

    • Tawayaga nodra kalou na veimatatamata (5)

    • Sokalou ena iukuuku savasava (9)

96  Ni lagata vei Jiova na sere vou.+ Ni sere vei Jiova na vuravura taucoko!+   Ni sere vei Jiova, vakacaucautaka na yacana. Kacivaka e veisiga na itukutuku vinaka ni nona veivakabulai.+   Tukuna na nona lagilagi ina veimatanitu,Na nona cakacaka veivakurabuitaki vei ira na lewe ni veivanua kece.+   E cecere o Jiova, e dodonu ga me vakacaucautaki. E vakatubuqoroqoro vei ira kece na vo ni kalou.   Na nodra kalou kece na veimatatamata era kalou tawayaga,+Ia o Jiova ga e bulia na lomalagi.+   E tu e matana na lagilagi* kei na iukuuku,+E tiko ena nona tikina tabu na kaukaua kei na veika totoka.+   Solia vei Jiova na ka e nona, o kemuni na vuvale e veivanua,Solia vei Jiova na ka e nona ena vuku ni nona lagilagi kei na kaukaua.+   Solia vei Jiova na vakarokoroko e ganita na yacana,+Ni kauta mai na isolisoli, ni gole mai ina nona lomanibai.   Cuva vei* Jiova ena iukuuku savasava,*Ni sautaninini e matana, na vuravura taucoko! 10  Me tukuni ina veimatanitu: “Sa Tui o Jiova!+ Sa vakataudeitaki na vuravura,* e sega ni yavalati* rawa. Ena lewa* vakadodonu o koya na veimatatamata.”+ 11  Me marau vakalevu o lomalagi, me reki o vuravura,Me vadugu na wasawasa kei na ka kece e tu kina,+ 12  Me reki na lomanivanua kei na ka kece e tu kina.+ Me kaila tale ga ena marau na kau kece ni veikau+ 13  Ena mata i Jiova, ni lako tiko* mai o koya,E lako tiko mai me lewai vuravura. Ena lewa ena yalododonu na vuravura sa tawani*+Kei na veimatatamata ena nona yalodina.+

iVakamacala e ra

Se “vakarokoroko.”
Se “Sokaloutaki.”
Se rawa ni, “ena totoka ni nona savasava.”
Se “vanua bulabula.”
Se “sega ni taceba rawa.”
Se “Ena valataka nodra dodonu.”
Se “ni sa lakomai.”
Se “na vanua bulabula.”