Eaha to roto?

Mau faaho'iraa ê

Tapura tumu parau

Ite no Iehova

Tahiti

Iesu te e‘a, te parau mau, te ora

I roto i teie buka, a taio i te mau ohipa atoa i tupu i roto i to Iesu oraraa tei faatiahia i roto i te Bibilia.

PARAU OMUARAA

Te e‘a, te parau mau, te ora

E nehenehe to oe oraraa e maitai i ta Iesu mau haapiiraa e ohipa, tei papaihia i roto i na Evanelia.

PENE 1

Piti poroi no ǒ mai i te Atua

Ua horoa te melahi Gaberiela i te poroi mea fifi roa ia tiaturi.

PENE 2

Haamaitaihia Iesu hou to ’na fanauraa

Mea nafea Elisabeta e ta ’na aiû i roto i te opu i te haamaitairaa ia Iesu?

PENE 3

Fanauhia tei faaineine i te e‘a

I te matararaa iho â to Zekaria vaha e to ’na arero, e faahiti oia i te hoê parau tohu faufaa.

PENE 4

Ua hapû Maria, aita râ i faaipoipo

Ua tiaturi anei Iosepha i ta Maria parau e i te varua mo‘a i hapû ai oia, eiaha râ i te taotoraa i te tahi atu tane?

PENE 5

Ua fanauhia Iesu ihea e eaha te ava‘e?

Mea nafea tatou i ite ai e aita Iesu i fanauhia i te 25 no Titema?

PENE 6

Te Tamaiti fafauhia

I to Iosepha raua Maria afairaa i te aiû ra o Iesu i te hiero, e piti ruhiruhia Iseraela tei tohu i ta Iesu e rave a muri a‘e.

PENE 7

Haereraa te tahi mau hi‘o fetia e hi‘o ia Iesu

No te aha te fetia ta ratou i ite i hitia o te râ i aratai ai ia ratou eiaha ia Iesu ra na mua, i te arii haapohe taata râ o Heroda?

PENE 8

Ua ora ’tu ratou i te hoê arii ino

E toru parau tohu Bibilia no nia i te Mesia tei tupu i to Iesu tamariiraa.

PENE 9

Paariraa mai i Nazareta

Ehia taeae e tuahine to Iesu?

PENE 10

Tere o te utuafare o Iesu i Ierusalema

Ahoaho roa Iosepha raua Maria i to raua imi-noa-raa ia Iesu, o tei maere i ore ai raua i ite oioi ihea e imi ai ia ’na.

PENE 11

Faaineineraa Ioane Bapetizo i te e‘a

Ia haere mai te tahi mau Pharisea e Sadukea ia ’na ra, e faahapa Ioane ia ratou. No te aha?

PENE 12

Bapetizoraahia Iesu

No te aha Iesu i bapetizohia ’i aita hoi oia i hara a‘enei?

PENE 13

Haapii mai i ta Iesu i rave a faahemahia ’i

Te haapapu ra te faahemaraahia Iesu e piti parau rahi no nia i te Diabolo.

PENE 14

Haamataraa Iesu i te faariro i te taata ei pǐpǐ

Mea nafea te papuraa i na pǐpǐ matamua e ono a Iesu e ua itehia mai ia ratou te Mesia?

PENE 15

Ta ’na semeio matamua

E faaite Iesu i to ’na metua vahine e na to ’na Metua i te ra‘i e parau ia ’na eaha te rave, eiaha râ na ’na.

PENE 16

Te itoito rahi o Iesu no te haamoriraa mau

I raro a‘e i te ture a te Atua ia Mose, i nehenehe na te mau ratere e hoo mai i te animara no te tusia i Ierusalema, no te aha ïa Iesu i riri ai i te feia hoohoo i te hiero?

PENE 17

Haapiiraa oia ia Nikodemo i te po

Eaha te auraa e “fanau-faahou-hia”?

PENE 18

Haereraa Iesu i te rahiraa e Ioane i te itiraa

Ua pohehae te mau pǐpǐ a Ioane Bapetizo. O Ioane râ, aita ïa.

PENE 19

Haapiiraa i te hoê vahine Samaria

E faaite Iesu ia ’na i te tahi parau e au ra aita â oia i faaite atura i te tahi atu taata.

PENE 20

Piti o te semeio i Kana

Na te atea fatata e 26 kilometera to Iesu faaoraraa i te ma‘i o te hoê tamaiti.

PENE 21

I te sunago i Nazareta

Eaha ta Iesu i faahiti i hinaaro ai te feia o to ’na oire e haapohe ia ’na?

PENE 22

E maha pǐpǐ tei riro ei ravaai taata

E titau oia ia ratou ia faarue i ta ratou ohipa ravaai no te rave i te tahi atu ohipa ravaai.

PENE 23

Faatupuraa Iesu i te mau ohipa mana i Kaperenaumi

Ia tiavaru Iesu i te mau demoni, e faaue oia ia ratou eiaha e parau i te taata e o te Tamaiti a te Atua oia. No te aha?

PENE 24

Ta ’na taviniraa ati a‘e Galilea

E haere mai te taata ia Iesu ra ia ora to ratou mau ma‘i, e faataa râ Iesu e e fa rahi a‘e to ta ’na taviniraa.

PENE 25

No to Iesu aumihi i ora ’i te lepera

Na roto i te tahi parau mana poto noa, e haapapu Iesu i to ’na aumihi rahi no te feia ta ’na e faaora te ma‘i.

PENE 26

“Ua faaorehia ta oe mau hara”

Eaha ta Iesu e faataa no nia i te hara e te ma‘i?

PENE 27

Titauraahia Mataio

No te aha Iesu e tamaa ’i e te feia matauhia ei rave hara?

PENE 28

No te aha te mau pǐpǐ a Iesu i ore ai i haapae i te maa?

E pahono Iesu na roto i te faahoho‘araa o te pute uaina.

PENE 29

E nehenehe anei e rave i te ohipa maitai i te Sabati?

Eaha te ati Iuda e haapeapea ’i ia Iesu tei faaora i te ma‘i o te tane e 38 matahiti to ’na ma‘iraa?

PENE 30

E Tamaiti Iesu na te Atua

E mana‘o te ati Iuda e te faafaito ra Iesu ia ’na i te Atua, e haapapu maitai râ Iesu e tei nia a‘e te Atua ia ’na.

PENE 31

Hutihutiraa i te sitona i te Sabati

No te aha Iesu i faahiti ai ia ’na iho ei “Fatu . . . no te Sabati”?

PENE 32

Eaha te tano ia rave i te Sabati ia au i te ture?

Ua tahoê te mau Sadukea e te mau Pharisea, o tei ore hoi i afaro na, no te hoê â fa.

PENE 33

Tupuraa ta Isaia parau tohu

Eaha Iesu e faaue ai i te feia ta ’na i faaora te ma‘i eiaha e faaite o vai oia aore ra ta ’na i rave?

PENE 34

Maitiraa Iesu hoê ahuru ma piti aposetolo

Eaha te taa-ê-raa i rotopu i te hoê aposetolo e te hoê pǐpǐ?

PENE 35

Te a‘oraa i nia i te mou‘a matau-maitai-hia

A hi‘o i te tatararaa o te mau mana‘o faufaa roa o ta Iesu oreroraa parau.

PENE 36

Faaiteraa te hoê raatira faehau i te faaroo rahi

Eaha ta taua raatira hanere nuu Roma ra i rave i maere ai Iesu?

PENE 37

Faatiaraa mai Iesu i te tamaiti a te hoê vahine ivi

Ua taa i te feia i ite i teie semeio te auraa mau o te reira.

PENE 38

Hinaaroraa Ioane e faaroo i ta Iesu faataaraa

Eaha Ioane Bapetizo i ui ai o Iesu mau anei te Mesia? Ua feaa anei Ioane?

PENE 39

Ua ati te hoê u‘i tâu‘a ore

E parau Iesu e i te Mahana Haavaraa, mea mâmâ a‘e te utua a te fenua o Sodoma i ta te oire o Kaperenaumi, i reira oia i te parahiraa a rave ai oia i ta ’na taviniraa.

PENE 40

Haapiiraa no nia i te faaoreraa i te hara

I to Iesu parauraa i te vahine e taiata paha na mua ’‘e e ua faaorehia ta ’na hara, te parau ra anei Iesu e aita e fifi ia ofati i te ture a te Atua?

PENE 41

Semeio maoti to vai mana?

Ua mana‘o to Iesu mau teina e ua maamaahia oia.

PENE 42

Tama‘iraa Iesu i te mau Pharisea

Eaha “te tapao a Iona te peropheta”?

PENE 43

Faahoho‘araa no nia i te Faatereraa arii

E horoa Iesu e va‘u faahoho‘araa no te faataa e rave rau parau no nia i te Faatereraa arii.

PENE 44

Haamamûraa Iesu i te vero

I te poheraa te mata‘i e te maniaraa te miti ia Iesu, ua horoa oia i te hoê haapiiraa faufaa roa no nia i te huru o te oraraa i raro a‘e i ta ’na Faatereraa arii.

PENE 45

Mana i nia e rave rahi demoni

E nehenehe anei hoê taata e uruhia e e rave rahi demoni?

PENE 46

Oraraa te ma‘i i te tapearaa i to Iesu ahu

E faaite Iesu i to ’na mana e aumihi i roto i teie tupuraa o te tamahanahana mai.

PENE 47

Ora-faahou-raa mai te hoê tamahine!

E ata te taata ia Iesu no ta ’na parau e te taoto noa ra te tamahine tei pohe. Eaha ta ’na i ite aita ratou i ite?

PENE 48

Noa ’tu te semeio, faahapahia oia i Nazareta

E faahapa to Nazareta ia Iesu, e ere no ta ’na haapiiraa aore ra semeio, no te tahi atu râ tumu.

PENE 49

Pororaa i Galilea e faaineineraa i te mau aposetolo

Eaha mau â te auraa o te parau “ua fatata mai te Faatereraa arii o te ra‘i”?

PENE 50

Faaineinehia no te poro noa ’tu te hamani-ino-raa

E parau Iesu i te mau aposetolo eiaha e mǎta‘u i te pohe, no te aha ïa ratou e horo ê ai?

PENE 51

Taata tei pohe i te hoê oroa fanauraa

E au roa Heroda i te oriraa Salome, a horeo atu oia i te horoa i ta ’na atoa e hinaaro. E ani Salome i te tahi mea riaria mau. Eaha?

PENE 52

Maa faraoa e maa i‘a ua tamaa e tausani taata

Mea faahiahia mau â te semeio ta Iesu i faatupu, ua papaihia hoi i roto i na maha Evanelia.

PENE 53

Hoê faatere e mana to ’na i nia i te mata‘i e te miti

Eaha ta te mau aposetolo i haapii mai i to Iesu haereraa na nia i te miti e tamǎrûraa i te mata‘i?

PENE 54

Iesu “te maa o te horoa i te ora mau”

Eaha Iesu i tama‘i ai i te taata noa ’tu ua tutava ratou i te haere mai ia ’na ra?

PENE 55

Huru-ê-raa te taata i ta Iesu mau parau

E huru ê roa e rave rahi o ta Iesu mau pǐpǐ i ta ’na haapiiraa a faarue mai ai ia ’na.

PENE 56

Eaha mau te haaviivii i te taata?

O ta te taata anei e amu, aore ra o te na roto mai i to ’na vaha?

PENE 57

Oraraa te ma‘i o te hoê tamahine e te tari‘a turi o te hoê tane

No te aha te tahi vahine i ore ai i huru ê i to Iesu faaauraa i te feia o to ’na nunaa i te fanau‘a urî?

PENE 58

Faarahiraa oia i te faraoa e faaararaa no nia i te hopue

Taa ’tura i te mau pǐpǐ a Iesu teihea hopue ta ’na e parau ra.

PENE 59

O vai te Tamaiti a te taata?

Eaha na taviri o te Faatereraa arii? O vai te faaohipa i te reira, e nafea?

PENE 60

Tauiraa to Iesu huru, to te Mesia ïa hanahana a muri a‘e

E faaiteraa te tauiraa to Iesu huru i te aha?

PENE 61

Tiavaruraa Iesu i te demoni i rapae i te hoê tamaroa

E parau Iesu e no te ereraa i te faaroo i ore ai te demoni i reva i rapae i te tamaroa. O vai tei ere i te faaroo? Te tamaroa, to ’na metua tane, aore ra ta Iesu mau pǐpǐ?

PENE 62

Haapiiraa faufaa no nia i te haehaa

E haapii mai te tahi mau tane i te tahi huru maitai faufaa i te hoê tamaiti iti.

PENE 63

Horoaraa Iesu i te mau aposetolo i te a‘oraa faufaa ’tu â

E faataa oia e toru taahiraa no te faaafaro i te mau fifi rahi i rotopu i te mau taeae.

PENE 64

Faufaaraa ia faaore i te hara

Na roto i te faahoho‘araa o te tavini aita i aroha i to ’na hoa tavini, e faaite Iesu mea faufaa roa no te Atua ia faaore noa ’tu tatou i te hara a vetahi ê.

PENE 65

Haapiiraa a haere ai i Ierusalema

I roto e toru aparauraa poto noa, e faaite maitai Iesu i te tahi mau huru feruriraa o te tapea i te hoê taata ia ore e pee ia ’na.

PENE 66

I Ierusalema no te Oroa patiaraa tiahapa

No te aha te feia e faaroo ra ia Iesu e mana‘o ai e ua uruhia o ’na e te demoni?

PENE 67

“Aore roa e taata i paraparau a‘enei mai tera”

Fatata pauroa te Sunederi te faahapa ia Iesu, hoê ana‘e râ o ratou te paraparau no te turu ia Iesu.

PENE 68

Te Tamaiti a te Atua “te maramarama o teie nei ao”

E parau Iesu e “na te parau mau e faatiamâ ia outou.” Faatiamâ i te aha?

PENE 69

O Aberahama anei to ratou metua aore ra te Diabolo?

E faataa Iesu e nafea e itehia ’i o vai te mau tamarii a Aberahama, e o vai mau â to ’na Metua.

PENE 70

Araararaa ia Iesu te mata o te hoê matapo mai to ’na fanauraa mai

E ui te mau pǐpǐ eaha teie taata i matapo ai. Ua hara anei oia? Ua hara anei to ’na na metua? Ua rau te huru o te taata i to Iesu faaaraararaa i te mata o te matapo.

PENE 71

Uiuiraa te mau Pharisea i te taata e matapo na mua ’‘e

E riri te mau Pharisea no te haaferuriraa tano maitai a te taata e matapo na mua ’‘e. E tiavaru ratou ia ’na i rapae i te sunago, ta to ’na na metua hoi i mǎta‘u na.

PENE 72

Tonoraa Iesu e 70 pǐpǐ e poro

I Iudea, e tono tataipiti Iesu i na 70 e poro i te Faatereraa arii. Ihea te mau pǐpǐ e poro ai, i te mau sunago aore ra i ǒ te taata?

PENE 73

Tautururaa te hoê tane Samaria i to ’na taata tupu

E nafea Iesu e faaohipa ’i i te parabole o te tane Samaria aau maitai no te horoa ’tu i te hoê haapiiraa faufaa roa?

PENE 74

Haapiiraa no nia i te farii-maitai-raa e te pure

E haere Iesu i ǒ Maria e Mareta. Eaha te haapiiraa ta ’na e horoa no nia i te farii-maitai-raa? E nafea oia e haapii ai i ta ’na mau pǐpǐ eaha te ani ia pure ratou?

PENE 75

Faaiteraa Iesu i te tumu o te oaoa

E faahiti Iesu i “te manimani rima o te Atua” i te feia faahapa e mea nafea ratou i roohia ’i e te Faatereraa arii a te Atua. E faaite atoa oia e nafea te taata e oaoa mau ai.

PENE 76

Tamaaraa e te hoê Pharisea

E parau roa Iesu e haavarevare te mau Pharisea e papai parau i te pae faaroo. Eaha te mau hopoia teimaha ta ratou e faahepo i te taata ia amo?

PENE 77

A‘oraa a Iesu no nia i te mau tao‘a rahi

E horoa Iesu i te faahoho‘araa o te hoê taata tao‘a rahi o tei hamani i te mau fare vairaa maa rahi a‘e. Eaha te a‘oraa ta ’na e faahiti faahou no nia i te mau fifi ia imi i te faufaa?

PENE 78

Ia ineine noa oe, tiaau haapao maitai!

E faaite Iesu e te tâu‘a ra oia i te maitai pae varua o ta ’na mau pǐpǐ. Eaha te hopoia a te hoê tiaau no to ratou maitai pae varua? No te aha mea faufaa roa ’i te a‘oraa ia ineine noa?

PENE 79

No te aha ratou e haamouhia ’i?

E parau Iesu e ia ore te feia ta ’na e tauturu ra e tatarahapa, mea tano ïa ia haamouhia ratou. E huti mai anei ratou i te haapiiraa faufaa ta Iesu e tamata ra i te horoa ’tu no nia i to ratou auhoaraa e te Atua?

PENE 80

Te Tiai mamoe maitai e na aua mamoe

E faataa maitai te taairaa i rotopu i te hoê tiai e ta ’na mau mamoe i to Iesu huru aau no ta ’na mau pǐpǐ. E taa anei ia ratou ta ’na mau haapiiraa, a pee atu ai i ta ’na aratairaa?

PENE 81

Mea hoê raua te Metua, e ere râ o ’na te Atua

E pari vetahi feia faahapa ia Iesu e te parau ra oia e ua aifaito oia e te Atua. E nafea oia ia pahono i ta ratou mau pariraa ma te taiâ ore e te paari?

PENE 82

Taviniraa a Iesu i Perea

E faataa Iesu i te feia e faaroo ra eaha te rave ia faaorahia ratou e no te aha eita e haere i e rave rahi. Mea faufaa teie a‘oraa i tera tau. I teie tau atoa anei?

PENE 83

Titau-manihini-raa i te hoê tamaaraa

A tamaa ’i Iesu i ǒ te hoê Pharisea, e horoa Iesu i te hoê faahoho‘araa no te hoê tamaaraa rahi. E haapiiraa faufaa ta ’na no te taata atoa o te nunaa o te Atua. Eaha ïa?

PENE 84

Te hopoia e riro ei pǐpǐ na te Mesia

E hopoia rahi te riroraa ei pǐpǐ na te Mesia. E haapapu maitai Iesu eaha te titauhia i ta ’na mau pǐpǐ. E huru ê vetahi tei faahua pee ia Iesu i ta ’na mau parau.

PENE 85

Oaoaraa i te tatarahaparaa te taata rave hara

E ohumu te Pharisea e papai parau no to Iesu huru i te taata riirii. E faahoho‘araa râ ta Iesu i faahiti no te faaite te huru hi‘oraa a te Atua i te feia rave hara.

PENE 86

Ho‘iraa mai te tamaiti tei mo‘e na

Eaha te mau haapiiraa ta tatou e huti mai i te faahoho‘araa a Iesu no te tamaiti hue faufaa?

PENE 87

A feruri na mua e a haa ma te paari

E faaohipa Iesu i te faahoho‘araa o te hoê tiaau pi‘o no te haapii mai i te hoê parau mau maere.

PENE 88

Te taata tao‘a rahi e o Lazaro

Te iteraa o vai ta teie na taata e faahoho‘a ra e taahia ’i ta Iesu parabole.

PENE 89

Haapiiraa i te taata i Perea a haere ai i Iudea

E haafaufaa oia i te hoê huru maitai o te tauturu mai ia faaore noa i te hapa a vetahi ê ia tatou.

PENE 90

“Te tia-faahou-raa e te ora”

Eaha te auraa o ta Iesu parau te feia o te faatupu i te faaroo ia ’na, “e ore roa ïa e pohe”?

PENE 91

Ua faatiahia mai Lazaro

E piti tumu papu e ore ai e tia i te feia patoi ia Iesu ia parau e aita teie semeio i tupu.

PENE 92

Haamauruururaa hoê noa taata ua ora to ’na lepera ia Iesu

E haamauruuru te taata ua ora to ’na lepera ia Iesu, e ia vai atoa?

PENE 93

E faaitehia mai te Tamaiti a te taata

E nafea te tau o te ho‘iraa mai o te Mesia e au ai i te anapa uira?

PENE 94

Faufaaraa o te pure e te haehaa

I roto i ta ’na faahoho‘araa o te hoê haava ino e te hoê vahine ivi, e haapapu Iesu i te faufaaraa o te hoê huru maitai.

PENE 95

Haapiiraa no nia i te faataaraa e te hereraa i te mau tamarii

Mea taa ê roa to Iesu mana‘o i te mau tamarii rii e to ta ’na mau pǐpǐ. No te aha?

PENE 96

Pahonoraa Iesu i te hoê raatira apî tao‘a rahi

No te aha Iesu i parau ai e mea ohie a‘e no te hoê kamela ia ô i roto i te hoê apoo nira eiaha râ no te hoê taata tao‘a rahi ia ô i roto i te Faatereraa arii a te Atua?

PENE 97

Faahoho‘araa o te mau rave ohipa i te faaapu vine

E nafea to mua e riro ai no muri e to muri no mua?

PENE 98

Hinaaro-faahou-raa te mau aposetolo i te tiaraa teitei

E ani Iakobo raua Ioane i te tiaraa taa ê i roto i te Faatereraa arii, te hinaaro atoa ïa o te tahi atu mau aposetolo.

PENE 99

Araararaa ia Iesu te mata o na matapo e tautururaa ia Zakaio

E nafea e tuati ai na faatiaraa Bibilia o to Iesu faaaraararaa i te mata o te hoê taata matapo i pihai iho ia Ieriko, e au ra aita e tuati ra?

PENE 100

Ta ’na faahoho‘araa o na ahuru mina

Eaha te auraa o ta Iesu parau: “Te taata e faufaa ta ’na, e horoahia ’tu â ïa ta ’na. Te taata râ aita ta ’na e faufaa, e iriti-ê-atoa-hia ïa ta ’na”?

PENE 101

Tamaaraa i te fare o Simona i Betania

E rave Maria te tuahine o Lazaro i te tahi mea e tupu ai te aimârôraa, e turu râ Iesu ia ’na.

PENE 102

Tomoraa te arii i Ierusalema na nia i te hoê fanau‘a asini

E faatupu oia i te hoê parau tei tohuhia a 500 matahiti a‘enei.

PENE 103

Tamâ-faahou-raahia te hiero

Ia hi‘ohia te feia hoohoo i Ierusalema, mea afaro ta ratou ohipa. E parau râ Iesu e eiâ ratou. No te aha?

PENE 104

E faatupu anei te mau ati Iuda i faaroo i te reo o te Atua i te faaroo?

Te vai ra anei te taa-ê-raa i rotopu i te tiaturiraa ia Iesu e te haaraa ma taua faaroo ra?

PENE 105

Haapiiraa o te faaroo no roto mai i te hoê tumu suke

E haapii Iesu i ta ’na mau pǐpǐ i te faaroo puai e e faataa i te tumu e faarue ai te Atua i te nunaa Iseraela.

PENE 106

Piti faahoho‘araa o te faaapu vine

Eaha te auraa o na parabole o te taata tei ani i ta ’na na tamaiti ia haere e rave i te ohipa i ta ’na faaapu vine e te taata tei horoa tarahu i ta ’na faaapu vine i te feia faaapu ino?

PENE 108

Aita Iesu i noaa i te râmâhia

E haamamû oia i te mau Pharisea na mua, te mau Sadukea i muri iho, e ia ratou pauroa i te pae hopea.

PENE 109

Faaite-roa-raa Iesu i te huru mau o te feia patoi

No te aha Iesu i ore ai i farii i te mau taa-ê-raa i te pae faaroo?

PENE 110

To Iesu tere hopea i te hiero

E faahiti oia i te hi‘oraa o te hoê vahine ivi veve no te horoa i te hoê haapiiraa faufaa.

PENE 111

Aniraa na aposetolo i te hoê tapao

I tupu na ta ’na parau tohu i 70. Te vai ra anei te tahi tupuraa rahi a‘e a muri a‘e?

PENE 112

Te vai-ara-noa-raa na vahine apî ei haapiiraa

Ua haapii atu anei Iesu e mea neneva vetahi o ta ’na mau pǐpǐ e mea paari te tahi atu?

PENE 113

Te rohi-noa-raa i te faaohipa i te mau taleni ei haapiiraa

E faataa ta Iesu parabole i teie parau: “Te taata hoi e faufaa ta ’na, e horoahia ’tu â ïa ta ’na e e rahi atu â.”

PENE 114

Ia haere mai te Mesia, e haava oia i te mamoe e te puaaniho

Na roto i te hoê parabole faahiahia, e faataa Iesu i te tumu o te hoê haavaraa e faahopearaa mure ore to muri mai.

PENE 115

Fatata ta Iesu Pasa hopea

Eaha te auraa te faaauraa te mau aratai haapaoraa e aufau ia Iuda e 30 moni ario no te tuu ia Iesu i to ratou rima?

PENE 116

Haapiiraa o te haehaa i te Pasa hopea

E maere te mau aposetolo ia ’na i te raveraa oia i te ohipa a te hoê tavini.

PENE 117

Te Amuraa maa a te Fatu

E haamau Iesu i te hoê oroa haamana‘oraa ta ta ’na mau pǐpǐ e faatupu i te mau matahiti atoa i te 14 no Nisana.

PENE 118

Mârôraa te mau aposetolo o vai te mea rahi a‘e

Ua mo‘e ê na i te mau aposetolo te haapiiraa ta Iesu i haapii iho nei i taua po ra.

PENE 119

O Iesu te e‘a, te parau mau, te ora

E haapii atu Iesu i te hoê parau mau faufaa e nafea ia faafatata ’tu i te Atua.

PENE 120

Ia riro te mau pǐpǐ ei amaa hotu e ei hoa no Iesu

E nafea ta Iesu mau pǐpǐ e hotu mai ai?

PENE 121

“A faaitoito râ! Ua vî teie nei ao ia ’u”

E nafea teie nei ao e vî ai ia Iesu ia haapohe teie nei ao ia ’na?

PENE 122

Pure faaotiraa a Iesu i te piha i nia

E faataa maitai oia e ua rave oia i te tahi ohipa mea faufaa a‘e i te faaoraraa i te huitaata.

PENE 123

Pureraa Iesu ma te oto rahi

Eaha Iesu e pure ai i te Atua: “A hopoi ê atu na i teie au‘a”? Te otohe ra anei o ’na i te amoraa i ta ’na hopoia e pohe ei hoo?

PENE 124

Tuuraahia te Mesia i te enemi e tapearaahia

Ua itehia Iesu e Iuda noa ’tu e maororaa po.

PENE 125

Afaihia Iesu ia Ana e ia Kaiapha i muri iho

Aita Iesu i haavahia ma te parau-tia.

PENE 126

Parauraa Petero aita oia i ite ia Iesu

Eaha Petero, te hoê tavini haapao maitai a Iehova, e huri tua ’i ia Iesu?

PENE 127

Haavahia e te Sunederi e Pilato i muri iho

E faaite te mau aratai haapaoraa ati Iuda i ta ratou opuaraa.

PENE 128

Iteraa Pilato e Heroda aita ta Iesu e hara

No te aha Pilato e tono ai ia Iesu ia Heroda ra ia haavahia oia? Aita anei to ’na e mana no te haava ia Iesu?

PENE 129

Parauraa Pilato: “Teie taua taata ra!”

Ua faahiahia roa atoa Pilato i mua i te mau huru maitatai ta Iesu i faaite.

PENE 130

Tuuraahia Iesu ia haapohehia e aratairaahia e haapohe

No te aha Iesu e parau ai i te mau vahine e oto ra ia oto no ratou iho e no ta ratou mau tamarii, eiaha râ no ’na?

PENE 131

Mauiuiraa hoê arii aita ta ’na e hara i nia i te pou

E fafau Iesu i te hoê taata ohipa ino tei haapohehia e o ’na i te hoê parau te tupu a muri a‘e roa.

PENE 132

“O te Tamaiti a te Atua iho â teie taata”

E haapapu te poiri-semeio-raa te mahana, te aueueraa fenua rahi e te mahaeraa te paruru o te hiero e o Iesu te Tamaiti a te Atua.

PENE 133

Faaineineraahia e hunaraahia to Iesu tino

No te aha mea ru ia huna ia Iesu hou te toparaa mahana?

PENE 134

Ua tia mai Iesu!

I muri iho i to Iesu faatiaraahia mai, e faaite na mua oia ia ’na i te hoê vahine, e pǐpǐ, e i te mau aposetolo i muri iho.

PENE 135

Faraa Iesu tei faatiahia mai i e rave rahi

E nafea Iesu e haapapu ai i ta ’na mau pǐpǐ e ua faatiahia mai oia?

PENE 136

I te hiti miti o Galilea

E toru taime to Petero haamana‘oraahia e nafea oia e haapapu ai mea here na ’na ia Iesu.

PENE 137

Ua hanere tei ite ia ’na hou te Penetekose

Mai to ’na faatiaraahia mai e reva noa ’tu ai oia i te ra‘i, ua haapapu noa Iesu i ta ’na mau pǐpǐ eaha ta ratou e fana‘o e nafea ia faaohipa i te reira.

PENE 138

Te Mesia i te rima atau o te Atua

Eaha ta Iesu i rave a tiai ai i te taime e faarirohia ’i to ’na mau enemi ei taahiraa avae no ’na?

PENE 139

E haamau Iesu i te paradaiso, a faaoti atu ai i ta ’na hopoia

Mea rahi â ta ’na e rave hou a tuu atu ai i te Faatereraa arii i to ’na Atua e Metua.

Mai ia Iesu, e riro ana‘e ei taata . . .

E faaite Iesu e va‘u huru maitatai i te roaraa o to ’na oraraa.

Tapura irava

A faaohipa i teie tapura no te ite ihea i roto i teie buka e hi‘opoahia ’i te irava tataitahi o na Evanelia.

Tapura faahoho‘araa (parabole)

A imi i te pene o teie buka e hi‘opoahia ’i te reira.

Te tahi mau parau tohu no nia i te Mesia

A faatuati tei tupu i roto i to Iesu oraraa e te mau parau tohu Bibilia e haapapu ra o ’na te Mesia, e i te mau pene o teie buka i hi‘opoahia ’i te reira.

Vahi i ora ’i Iesu e i haapii ai i te taata

Hoho‘a fenua o te mau vahi i rave ai Iesu i ta ’na taviniraa.